အမှန်တရားအတွက်မျိုးဆက်သစ်လှုပ်ရှားမှု

NEW GENERATION MOVEMENT FOR JUSTICE
ရက်စွဲ။ ။ မေလ၊ (၃၁) ရက်၊ ၂၀၀၈
စာအမှတ်။ ၁/၂၀၀၈

မြန်မာစစ်အာဏာရှင် (န.အ.ဖ) သည် ၄င်းတို့ အာဏာတည်မြဲရေးအတွက် ကျောင်းသားပြည်သူများနှင့်
တကွ မြန်မာနိုင်ငံ၏ မိရိုးဖလာ ကိုးကွယ်ဆည်းကပ်သော ဗုဒ္ဓသားတော် ရဟန်းရှင်တော်များကိုပါ ရက်စက် ယုတ်မာစွာ သတ်ဖြတ်နှိမ်နှင်းခဲ့သည့် ရွှေဝါရောင်တော်လှန်ရေးကို ကိုယ်တိုင်ကြုံတွေ့ခံစားခဲ့ရသည့် မြန်မာ နိုင်ငံသားများနှင့်တကွ ကမ္ဘာပြည်သူအပေါင်းတို့၏ ရင်မှာလည်း ၀မ်းနည်းကြေကွဲကာ ဖျောက်ဖျက်၍မရနိုင် သော သမိုင်းဝင် အရေးတော်ပုံကြီးတစ်ခုအဖြစ် ရင်ထဲတွင် မှတ်တမ်းတင် ကျန်ရစ်ခဲ့ပြီဖြစ်ပါသည်။

ယခုတဖန် မုန်တိုင်းဒဏ်ကြောင့် အတိဒုက္ခရောက်နေသောပြည်သူများကို လှစ်လျှူရှုကာ

(၁) ဖွဲ့စည်းပုံအခြေခံဥပဒေ ထောက်ခံပွဲကို အတင်းအကျပ်ပြုလုပ်ခြင်း

(၂) နိုင်ငံတကာအသိုင်းအ၀ိုင်း၏ ကူညီထောက်ပံ့မှုများကို အကန့်အသတ်ချုပ်ချယ်မှုများစွာဖြင့် တားဆီးပိတ်ပင်ခြင်း

(၃) ကယ်ဆယ်ရေးလုပ်ငန်းများကို ပြီးစီးအောင်ဆောင်ရွက်ခြင်းမရှိဘဲ ဒုက္ခသည်များကို ဘုန်းကြီးကျောင်း များနှင့် စာသင်ကျောင်းများမှ အတင်းအကျပ်မောင်းထုတ်ခြင်း

(၄) ဧရာဝတီတိုင်း အချို့နေရာများတွင် ယခုထိုကယ်ဆယ်ရေးလုပ်ငန်းများကို လုပ်ဆောင်နိုင်သေးခြင်း မရှိဘဲ ပြည်သူလူထုနှင့် ကမ္ဘာနိုင်ငံအသီးသီးကို ကယ်ဆယ်ရေးလုပ်ငန်းများပြီးဆုံးပြီဟု အရှက်မရှိ လိမ်လည်လှည့်ဖျားပြောဆိုခြင်း

(၅) တပ်မတော်သာအမိ တပ်မတော်သာအဖ ဟု အမြဲကြွေးကြော်နေသော (န.အ.ဖ) သည် ယခုအချိန်တွင်
၎င်းတို့၏ ဇာတိရုပ်လုံးကို ဖုံးဖိမရဘဲ ဒုက္ခရောက်ပြည်သူတွေအပေါ် တာဝန်မဲ့စွာ ပြုမူဆောင်ရွက်ခဲ့ပါသည်။
ထိုကဲ့သို့ (န.အ.ဖ) ၏ လူမဆန်စွာ တာဝန်မဲ့ ပြုမူဆောင်ရွက်မှုများကြောင့် လေဘေးသင့်ပြည်သူများမှာ
မုန်တိုင်းပြီးဆုံးချိန်မှ ယခုအချိန်ထိ ကူးဆက်ရောဂါများဖြင့်သေဆုံးခြင်း ငတ်မွတ်ခေါင်းပါးပြီးသေဆုံးခြင်း
သောက်သုံးရေမရဘဲ သေဆုံးခြင်းများဆက်လက်ဖြစ်ပေါ်နေဆဲဖြစ်ပါသည်။

ထို့အတွက်ကြောင့် သေဆုံးခဲ့သူများနှင့် ဆက်လက်သေဆုံးမှုများရပ်တန့်စေရန်အတွက် (နာဂစ်) မုန်တိုင်း
(၁) လ ပြည့် ၀မ်းနည်းခြင်း အထိမ်းအမှတ်အဖြစ် မြန်မာပြည်တ၀ှမ်းလုံးရှိ ဘုရားစေတီများ၊ ၀တ်ကျောင်းတော်များ၊ ဗလီများတွင် မိမိတို့သက်ဆိုင်ရာ ဘာသာအလိုက် ၀တ်ပြုဆုတောင်ပွဲများအား စုပေါင်း ပြုလုပ်ပေးကြပါရန် ရဟန်းရှင်လူ ကျောင်းသားပြည်သူများအား တိုက်တွန်းနိုးဆော်အပ်ပါသည်။


ဆုတောင်းပွဲပြုလုပ်မည့် နေ့ရက်။ ၃.၆.၂၀၀၈
ဆုတောင်းပွဲပြုလုပ်မည့် အချိန်။ ညနေ (၄) နာရီ

ခိုင်ခန့်
သတင်းနှင့်ပြန်ကြားရေး
Email: movementforjustice@gmail.com
NEW GENERATION MOVEMENT FOR JUSTICE

ဒုတိယအကြိမ်မြောက် မဟာအတာသင်္ကြန်ပွဲတော် ကျင်းပခြင်း

မလေးရှားနိုင်ငံ၊ ကွာလာလမ်းပူမြို့လယ်ရှိ လူသိများသော ကိုတာရာယာကုန်တိုက်ဘေးတွင်ရှိသော (SM) ကုန်တိုက် ၆ထပ်တွင် ဒေသစံတော်ချိန် နံနက် ၁၁နာရီ မိနစ် ၃၀ မှ ညနေ ၅း၀၀ နာရီအချိန်ထိ NLD(LA)Malaysia မှ ကျင်းပသော ဒုတိယ အကြိမ်မြောက် မြန်မာရိုးရာ အတာသင်္ကြန်ပွဲတော်ကို အဖမ်းအဆီး များကြားထဲမှ အောင်မြင်စွာ ကျင်းပနိုင်ခဲ့ပါသည်။ ဤပွဲသို့ လာရောက်ကြည့်ရှု့သူများမှာလည် များသောအားဖြင့် over still များဖြစ်ကြပြီး မြန်မာအတာသင်္ကြန်ပွဲတော်ကို ချစ်မြတ်နိုးလွန်းသည့် အတွက် စွန့်စွန့်စားစားဖြင့် လာရောက်ကြည့်ရှု့ အားပေးကြခြင်း ဖြစ်ပါသည်။
အခမ်းအနားကျင်းပရခြင်း၏ ရည်ရွယ်ချက်ကို (လွတ်မြောက်နယ်မြေ) မလေးရှား ဌာနခွဲ ဥက္ကဌ ကိုကျော်ကျော် မှ ပြောကြားပြီး အခမ်းအနားကို ဗိုလ်ချုပ်အောင်ဆန်းနှင့်တကွ ကျဆုံးသွားသော အာဇာနည်ခေါင်းဆောင်များအား အလေးပြုခြင်း၊ ပါတီအလံတော်အား အလေးပြုခြင်း နှင့် ပါတီ သစ္စာအဓိဌာန် (၄) ချက် ရွတ်ဆိုပြီး ကိုကျော်ကျော်မှ ဖဲကြိုးဖြတ် ဖွင့်လှစ်ပေးခဲ့ပါသည်။
အခမ်းအနား အစီအစဉ်များကို (န.အ.ဖ) လက်ထက် မြန်မာ့ရိုးရာ အတာသင်္ကြန်ပွဲတော်များတွင် ပျောက်ကွယ် လုနီးပါး ဖြစ်သော သင်္ကြန် (သံကြပ်)၊ သင်္ကြန် ယိမ်းအကများ၊ တေးသီချင်းဖျော်ဖြေခြင်း၊ တစ်ခန်းရပ်ပြဇာတ်နှင့် တေးသရုပ်ဖော် အစီအစဉ်တို့ဖြင့် ဖျော်ဖြေတင်ဆက်ခဲ့ပါသည်။
ကိုမင်းမင်း သီဆိုသော (ကြွကြွ ငရဲပြည်ကိုကြွ) တေးသီချင်းနှင့် အတူ NLD (LA) Malaysia ရဲဘော်များ ၀တ်ဆင်ထားသော (န.အ.ဖ) ဗိုလ်ချုပ်ကြီးများ၏ စစ်အင်္ကျီနှင့် ထမီဝတ်ပြီး ကပြဖျော်ဖြေသော (န.အ.ဖ) ယိမ်းတွင် လာရောက်ကြည့်ရှုသော ပရိတ်သတ်များ၏ လက်ခုပ်သံများသည် အခမ်းအနားကျင်းပသော ဇာတ်ရုံကြီးတစ်ခုလုံး ဖုံးလွှမ်းသွားသည်အထိ အားပေးခဲ့ပါသည်။
တစ်ခန်းရပ်ပြဇာတ်ဖြစ်သော “ ပြတ်ပြတ်သားသား ဆန့်ကျင့် ကန့်ကွက်ကြ” ပြဇာတ်တွင် ရဟန်း၊ရှင်လူ၊ ကျောင်းသား ပြည်သူများအား နအဖ စစ်တပ်မှ အကြမ်းဖက်ဖြိုခွင်းခဲ့သည့် သရုပ်ဖော်ပြကွက်တွင် ပရိတ်သတ်များသည် နအဖ စစ်အာဏာရှင်အပေါ် ပိုမိုစက်ဆုပ်ရွံရှာမှုများနှင့်အတူ ဒေါသပေါက်ကွဲသံများထွက်ပေါ် လာအထိ ဇာတ်ရုံကြီးတခုလုံး ဆူညံသွားခဲ့ပါသည်။
အခမ်းအနားကို နှစ်ပိုိင်းခွဲကာ ဖျော်ဖြေတင်ဆက်ခဲ့ပြီး ပထမပိုင်းအစီအစဉ် အပြီးတွင် ပွဲကို ခေတ္တရပ်နားကာ မြန်မာရိုးရာ သင်္ကြန်အစားအစာဖြစ်သော မုန့်လုံးရေပေါ်၊ ရွှေရင်အေး၊ သာကူကျောက်ကြောတို့နှင့် ကျွေးမွေးဧည့်ခံခဲ့ပါသည်။
နောက်ဆုံးအစီအစဉ်တွင် “အရေးကြီးပြီ ညီနောင်အပေါင်းတို့” သီချင်းဖြင့် ဖျော်ဖြေခဲ့ပြီး အခမ်းအနားကို အောင်မြင်စွာအဆုံးသတ်ခဲ့ပါသည်။ ယင်းအခမ်းအနားသို့ မလေးရှားသို့ရောက်ရှိနေသော ရွှေမြန်မာများက အခက်အခဲမျိုးစုံကြားမှပင် လူပေါင်း ၇၀၀ ကျော် တက်ရောက်အားပေးခဲ့ပါသည်။

Email ပို့ပေးသော ကိုခင်မောင်ဝင်းကို အထူးပဲကျေးဇူးတင်ရှိပါတယ်။

ဒါမှမဟုတ်ရင် လိုက်ပွဲတွေကို ၀ိုင်းပြီးတော့ ပြင်မှာလား။

ကျနော်မြင်တာကို၎င်း၊တွေ့ တာကို၎င်း၊ သိတာကို၎င်း၊ မြင်သူတွေကတဆင့်သေသေချာချာကြားတာကြောင့် ပွင့်ပွင့်လင်းလင်းရေးလိုက်တာပါ။ စကားထောက်၊ စကားကျန်၊ စာကျန်ရင် ပြင်ဖတ်ပေးဖို့နဲ့ မရည်ရွယ်ပဲ ထိခိုက်ရေးသားမိတာတွေ ပါရှိခဲ့ရင် နားလည်ပေးဖို့ တောင်းပန်ပါတယ်။

အထူးသဖြင့်၊ ပြည်တွင်းက တိုင်းရင်းသား မြန်မာလူမျိုးအားလုံးကို မေးသင့်သလို၊ ပို၍ထပ်ပြီးမေးသင့်သည်မှာ ပြည်ပ နဲ့ ပြည်တွင်း ကဒီမိုကရေစီဘက်တော်သားတွေ၊ခေါင်းဆောင်ကြီးများတွေ၊လေလှိုင်းတွေပေါ်မှာမိုးလုံးထွားစွာပြောနေသောသူတွေ၊ဆင်ဖမ်းမယ်၊
ကျားဖမ်းမယ်ဆိုသောသူတွေကော၊အရင်ကတော့ဘာဖြစ်တယ်ဘာဖြစ်တယ်ဆိုပြီးအခုတော့ရ၅%ဘဲရတာလေးကိုဘဲယူပြီးရသ
လောက် နေရာလေးဝင်ထိုင်ချင်သောသူတွေရယ်၊ ပြည်သူတွေဆန္ဒဘဲဆိုပြီးပြည်သူကိုအမြဲတမ်းခေါင်းပြန်တင်ကာစကားလှလှလေး
သုံးပြီးတော့ကိုယ်မနာရင်ပြီးရောဆိုသောခေါင်းဆောင်ကြီးတွေကိုပြည်သူတစ်ယောက်အနေနဲ့ ပြတ်ပြတ်သားသားမေးရတော့ မဲ့  အချိန်ကိုရောက်ပါပြီ။

ဘာလို့လည်းဆိုတော့မြန်မာနိုင်ငံပြည်တွင်းတွင်နေထိုင်သော တိုင်းရင်းသားတွေကို မြန်မာ တပါတီအာဏာရှင်စံနစ်ကိုမကြိုက်လို့ ၊ ကြိုးနီစံနစ်ကိုင်တွယ်တာကိုလုံးဝလက်မခံနိုင်ဘူးဆိုတာရယ်၊ လွတ်လပ်ခြင်း၊တရားမျှတခြင်း၊ ညီမျှခြင်း၊ဥပဒေစိုးမိုးခြင်း။
တို့ အခြေခံပြီး ပြည်သူကတင်မြှောက်သော ဖဒရယ်ပြည်ထောင်စုအစိုးရပေါ်ပေါက်ရန် ၁၉၉၀ပြည့်နှစ်က မဲပေးတင်မြှောက်ပေးထားပြီးပါပြီ၊ ပထမဦးဆုံးသောပြည်သူတွေလုပ်ဆောင်ရသောအပိုင်းတာဝန်ကို ကျေပြွန်စွာဆောင်ရွက်ခဲ့ပြီးပါပြီ။ တာဝန်ကျေခဲ့ပြီးပါပြီ။
ဒီမိုကရေစီအစိုးရကိုလိုချင်လွန်းလို့့ယနေ့ထိစစ်အစိုးရရဲ့ စံနစ်တကျနှိပ်ကွပ်ဖိနှိပ်ခြင်းအောက်မှာအံကြိတ်ခံရင်း အနှစ် ၂၀ တိတိ ခံလာရတာတောင်၊ ကျွန်တော်တို့ တင်မြှောက်ထားသောပြည်တွင်းကကိုယ်စားလှယ်တွေ၊ပြည်ပကကျွန်တော်တို့ ရဲ့ ခေါင်းဆောင် တွေကဘာလို့ ပြတ်သားသော၊နောက်ဆက်တွဲကိုမရှိနိုင်သောအခင်းအကျင်း၊တိုက်ပွဲကိုဘာလို့ မလုပ်နိုင်ကြတာလည်းဆိုတာကိုပါ။ ဘာလို့ ပြတ်ပြတ်သားစကားလုံးနဲ့ ၊ဘာပြီးရင်ဘာဆက်လုပ်မယ်၊ဘာမဖြစ်ရင်ဘာလုပ်မယ်၊ ဘယ်လို့ ကြေငြာပြီးမလုပ်နိုင်ရတာလည်း၊
ပြည်သူကဘယ်သူကိုခေါင်းဆောင်တင်ပြီး၊ ဘယ်သူ့ စကားကို ယုံကြည်ပြီးလိုက်ရမှာလည်း။ပြောကြပါအုံး။

ပြည်သူကကန့်ကွက်မဲပေးပြီဆိုပါတော့၊ ကျွန်တော်တို့ တိုက်ပွဲကပြီးသွားပြီလား၊ ဘယ်နှစ်နှစ်အတွင်း ဒီမိုကရေစီရမှာလည်း၊ပြောပါ။
ဒီလိုမေးတာက ပြည်သူအများစုရဲ့ တကယ့်ရင်တွင်းမှာ က စစ်အစိုးရကလုပ်သောဆန္ဒခံယူပွဲကြီးကို လည်းလုံးဝ မဖြစ်မြောက်စေချင်သလို ၊ အခြေခံဥပဒေကြီးကိုလည်းလုံးဝသဘောမတူဘူးဆိုတာကိုတော့သိထားပါလို့ ပြောပါရစေ.။
ဘာလို့ ဒီဆန္ဒခံယူပွဲကြီးကို မဖြစ်မြောက်အောင်လုပ်ဆောင်ကြ၊ ကန်ကွက်ကြ၊ တော်လှန်ကြကျွန်တော်တို့ အားလုံးလည်းပြည်သူရှေ့မှာ အခုပြောတဲ့အချိန်ကစပြီးရှိတယ်၊ကျွန်တော်တို့ ကိုယ်တိုင်ပြတ်ပြတ်သားသားတွန်းလှန်တယ်ဆိုသော
အကြမ်းမဖက်သောပြည်လုံးကျွတ်ဆန္ဒပြပွဲကြီးလုပ်ပြီဆိုတာတောင်မကြေငြာရဲတော့ဘူလား။
မြန်မာနိုင်ငံက အနှစ်၆၀ကျော်ကြာ ရှည်လျားဆိုးဝါးလှတဲ့ ပြည်တွင်းစစ်များအလွန်၊ အကြမ်းဖက်ဝါဒများ ခေတ်စားလာနေတဲ့ ဒီကနေ့ကမ္ဘာမှာ ကျနော်တို့ဘက်က အကြမ်းမဖက် အနုနည်းသက်သက်နဲ့သာ စစ်အာဏာရှင်တွေကို တောက်လျှောက် ဆန့်ကျင်လာခဲ့တာပါ။

ဘယ်နှစ်ခါကများ စစ်တပ်ကတိတည်တာကိုရှိခဲ့ဘူးလည်း၊ပြောရင်ပြောသလို၊ဂတိဂ၀တ်ကိုကျေတယ်ဆိုတာဘယ်မှာရှိသလည်း၊
သူတို့ ကိုယ်တိုင်ရေးပြီး၊ ပြည်သူကိုလိုက်လံချပြစည်းရုံးရေးခဲ့သောမြန်မာ့ဆိုရှယ်လစ်အခြေခံဥပဒေကြီးကိုတောင်၊စာအုပ်ထဲကတခြား
၊အပြင်လက်တွေ့ကတခြားလုပ်ဆောင်ခဲ့ကြတာ၊ပြည်သူကိုဘာကိုမက်လုံးတွေ၊မဟာနိုင်ငံရေးအဘိဓါန်တွေပြောပြီး၊ဘာလို့ ဒုက္ခ ခဏခဏပေးချင်ရတာလည်းဆိုတာကိုလည်းသတိပြုကြပါအုံးခင်ဗျား။

အားလုံးလဲ ပြတ်ပြတ်သားသား မေးရတော့မယ့် အခြေအနေ အချိန်အခါ ကျရောက်နေပြီဖြစ်လို့ပါ။
မပြတ်သားရင်တော့ ကျနော်တို့ မပြီးနိုင်သောပန်းချီကားကြီးကို ရေးဆွဲသွားကြရတော့မှာဖြစ်ပြီး ပြည်သူတွေကြားထဲ ယခုထက်ပိုဆိုးဝါးတဲ့ အထွေထွေကြပ်တည်းမှုတွေ၊ ဆုံးရှုံးမှုတွေ၊ အကျင့်ပျက် လုယက်တိုက်ခိုက်မှုတွေနဲ့ ဖြေရှင်းမနိုင်အောင် ဆက်လက်ပြီး ရင်ဆိုင်သွားကြရတော့မယ်ဆိုတာ မြေကြီးလက်ခက်မလွဲပါဘူး။ဒီလာမယ့်ဆန္ဒမဲပေးပွဲဟာ ဘယ်လိုရလဒ်တွေပဲထွက်ထွက် အများပြည်သူအဆင့်ထိ ပြန့်နှံ့သွားပြီဖြစ်တဲ့ တရားလက်လွတ် ဓါးမိုးအုပ်ချုပ်မှုနဲ့ အနိုင်ကျင့်စော်ကားမှု အဓမ္မစရိုက်တွေက အကြမ်းဖက်တိုက်ခိုက်မှုတွေဆီ ဦးတည်နေပြီဖြစ်ပါတယ်။

မနင်းရင်တော့ အနင်းခံရမှာပဲ ဆိုတဲ့အသိနဲ့ အားထားလုံခြုံရာ ဥပဒေအစောင့်အရှောက်ကင်းမဲ့မှုတွေက ပြည်သူကို ချောင်ပိတ် အရိုက်ခံနေရတဲ့ ခွေးတွေပမာ ခံစားလာစေရလိမ့်မှာဖြစ်သလို၊ ဘယ်ကမှ အကာအကွယ်မရနိုင်ရှာတဲ့ အဲဒီပြည်သူတွေရဲ့ဘဝက စစ်အာဏာရှင်တစုနဲ့ သူတို့ရဲ့နောက်လိုက်တွေ ပြုသမျှ နုရတော့မယ့်အခြေကို လုံးလုံးလျားလျား ဆိုက်ရောက်သွားတော့မှာပါ။ လက်ရှိ အင်အယ်ဒီ အဖွဲ့ဝင်တွေနဲ့ ဒီမိုကရေစီ ဘက်တော်သားတွေကို အနိုင်ကျင့် ရိုက်နှက်ပြပြီးတော့ ပေးနေတဲ့ သတိကိုက ပြည်သူတွေ နင်းမှာလား အနင်းခံမှာလား ဆိုတာပါ။
တကယ်တမ်းတော့ အများပြည်သူမလိုလားတဲ့ နအဖဘက်က သူ့ဖွဲ့စည်းပုံအဆင့်ဆင့်နဲ့ စနစ်တကျ သူဖြစ်ချင်တာသူ လုပ်ယူဖန်တီးသွားနေခဲ့တာ အရာရာအောင်မြင် ပြီးမြောက်လုပြီဖြစ်ပါတယ်။ တရားတယ် မတရားဘူးဆိုတာထက် အနိုင်အရှုံး အဖြေက ရလဒ်ကို ဦးဆောင်သွားတော့မယ့် အချိန်မှာ ဘယ်သူမှ ဘာမှမတတ်နိုင်ကြတော့တာဟာ အမြင်အားဖြင့်ကို ရှုံးနေပါပြီ။

အဲဒီအဖြေထွက်တဲ့အထိ စောင့်ကြည့်မနေသင့်တော့တဲ့ အချိန်မှာ နိုင်ငံရေးအခင်းအကျင်းတွေ၊ သုံးသပ်ချက်အလှည့်အပြောင်းတွေ၊ သံတမန်ရေးရာနည်းလမ်းတွေ၊ ဒေသတွင်းပါဝင်ပတ်သက်မှုတွေ၊ နိုင်ငံတကာ စာနာမှုတွေ အားလုံးကို ခေတ္တခဏဘေးဖယ်ထားပြီး ကိုယ့်နိုင်ငံရဲ့ ပြည်တွင်းရေးကို ကိုယ်တိုင်ကိုယ်ကျပါဝင်ဖို့ လိုပါတယ်။

ကန့်ကွက်မဲဝင်ထည့်ပြန်ရင်လဲ နအဖရဲ့လုပ်ရပ်ကို အသိအမှတ်ပြုပြီးသားဖြစ်သွားမယ်။ မဲမပေးပဲနေမယ်ဆိုရင်လဲ ရသမျှနဲ့ အနိုင်ပိုင်းသွားတာခံရမယ်။ ရှုံးရှုံးနိုင်နိုင် နအဖဘက်က အုပ်စုဗိုလ်အနေနဲ့ အသာစီးက ဆက်ကစားလို့ ရသွားတော့မယ့် အခြေအနေမှာ၊ ဒီပွဲက ကန့်ကွက်တာမဲများခဲ့ရင် အခြေခံဥပဒေ အတည်မဖြစ်နိုင်တော့တဲ့အတွက် အမျိုးသားညီလာခံကို ပျော်ပျော်ကြီးပဲ ပြန်လည်စတင် ကျင်းပသွားဦးမှာဖြစ်ပြီး မဲဝိုင်းထည့်တဲ့ ပြည်သူတွေရဲ့ အသိအမှတ်ပြုမှုတို့အရ အဲဒီညီလာခံကို သပိတ်မှောက်ထားတဲ့ အင်အယ်ဒီအနေနဲ့ နအဖစိတ်ကြိုက် ခင်းကျင်းထားတဲ့ အမျိုးသားညီလာခံအခြေပြု အနာဂတ်နိုင်ငံရေးလမ်းစဉ်မှာ လမ်းဘေးကို ရောက်သွားရပါလိမ့်မယ်။ ဒါက တချက်ခုတ်နှစ်ချက်ပြတ် အင်အယ်ဒီကို မြောင်းထဲပို့နေတာပါ။

ကလိမ်ကကျစ်ကျပြီး ထောက်ခံမဲတွေအရ လမ်းညွှန်မြေပုံခုနှစ်ဆင့်အတိုင်း နောက်နှစ်နှစ်အကြာမှာ ပါတီစုံဒီမိုကရေစီရွေးကောက်ပွဲကြီး ဝှဲချီးကျင်းပခွင့် ရသွားလိုက်ပြီဆိုရင်တော့ အတိုင်းထက်အလွန် တံခွန်ထက်ကုက္ကား နအဖများဘက်က လက်ခမောင်းခတ်ကြတော့ဖို့ပါပဲ။

၁၉၉၀ပြည့်နှစ် ရွေးကောက်ပွဲရလဒ်က လုံးဝဥဿုံပြက်ပြယ်ပြီး ကြံ့ဖွံ့က နအဖလိုလားတဲ့ ဦးဆောင်ပါတီကြီးတခုအဖြစ်နဲ့ အမျိုးသားညီလာခံကတဆင့် အဲဒီအခြေခံဥပဒေလူလားမြောက်အောင် နအဖနဲ့ အတူလက်တွဲ ဝိုင်းကူဆွဲပေးခဲ့တဲ့ တစည အပါအဝင် တိုင်းရင်းသားပါတီတွေ ခြံရံထွက်လာပြီးတော့ တကြော့ပြန် လက်ရှိချန်ပီယံအင်အယ်ဒီနဲ့ အားစမ်းပွဲလုပ်မလား။

အဲဒီ လမ်းညွှန်မြေပုံခုနှစ်ချက်အရပဲ ကုလသမဂ္ဂအပါအဝင် နိုင်ငံတကာနဲ့ အခင်းအကျင်းက လှသွားလိုက်တော့ ရှေ့ဆက်တိုင်းပြည်ရဲ့ အနာဂတ်က အင်ဒိုနီးရှားနဲ့ မြောက်ကိုရီးယား အမွှာပူးကလေးဖြစ်လာမယ်။ လိင်ဖျော်ဖြေရေးအလုပ်သမတွေ အပါအဝင် လူသားအရင်းအမြစ်တွေ အမြောက်အမြားထုတ်လုပ်ပေးလာမယ့် နိုင်ငံတခုကို အိမ်နီချင်းနိုင်ငံတွေက ဝမ်းသာအားရ လက်ကမ်းကြိုဆိုနေကြမှာပါ။

စစ်အာဏာရှင်စံနစ်ဆိုးအောက်က လွတ်မြောက်လိုသူတိုင်းနဲ့ လွတ်မြောက်စေလိုသူတိုင်း ငါလုပ်မှ၊ ငါပြောမှ၊ ငါကြံမှ ဟုတ်မှန်အောင်မြင်ရမယ်ဆိုတဲ့ အထွေထွေအတ္တတွေထဲက လွန်မြောက်နိုင်ဖို့ အရေးကြီးလိမ့်မယ်ထင်ပါတယ်။ နောက်ပြီး ပြိုင်တူတွန်းလျှင် ရွေ့နိုင်ပါသည်ဆိုပေမယ့် အခြားတဖက်မှာတော့ ဦးတည်ရာ ညွှန်ရပ်တွေက တကွဲတပြားဖြစ်နေတာကိုတွေ့ရလိမ့်မယ်။ ဘယ်ကိုတွန်းမှာလဲ၊ ဘယ်အထိရောက်အောင်တွန်းရမှာလဲဆိုတာ ဥပဒေကဲ့သို့ အာဏာတည်သော အမိန့်မျိုးမဟုတ်တဲ့အတွက်ကြောင့် ရွေ့ချင်ရွေ့ ရွေ့ချင်မှလဲရွေ့ ဘယ်တော့မှလဲမရွေ့ နဲ့ပဲ တော်လှန်ရေးတိုက်ပွဲအစား ပရိုပိုဆယ်လိုက်ပွဲကလေးနဲ့ ကျေနပ်သွားကြတော့မလား။

နိုင်ငံတကာရဲ့ အသိအမှတ်ပြုခံရမှုများစွာတွေက ဖေါ်ကျူးစာဖွဲ့ မကုန်နိုင်အောင်ပါပဲ။ အသိအမှတ်ပြုခံလိုခြင်းဆိုတာ သာမန်လူသားတိုင်းရဲ့ ကိုယ်စီအတ္တလို့ဆိုပေမယ့် အများအကျိုးနဲ့သက်ဆိုင်တဲ့ လုပ်ငန်းရပ်တွေမှာတော့ လူလားမမြောက်သေးတဲ့ ကလေးကလားဆန်ဆန် ခံယူချက်မျိုးလို့လဲ စိတ်ပညာရှုထောင့်က အဓိပ္ပယ်တမျိုး ဖွင့်ဆိုပြန်တာမို့ ဘုရားရှင်နဲ့ အရိယာသူတော်စင်များမှလွဲရင် ဗိုလ်ချုပ်အောင်ဆန်းတို့လို အာဇာနည်မျိုးတွေမှာသာ အဲဒီအတ္တက ကင်းလွတ်နိုင်ကြတာပါ။ အဲဒီပုဂ္ဂိုလ်မျိုးတွေဟာ ခေတ်သမိုင်းအဆက်ဆက် ဘယ်တော့မှလဲ သတ်၍မသေတဲ့ လူစွမ်းကောင်းများ ဖြစ်ကြပါတယ်။

ကျွန်တော်တို့ တိုင်းရင်းသားပြည်သူတွေယုံကြည်တာကတော့ အကျယ်ချုပ်ကြထားသောဒေါ်အောင်ဆန်းစုကြည်၊ဦးတင်ဦး၊ နဲ့ ထောင်ထဲ ရောက်နေသော ဦးဝင်တင် နဲ့ နိုင်ငံရေးခေါင်းဆောင်တွေ၊ ကျောင်းသားခေါင်းဆောင်တွေသာလျှင်ပြည်သုကိုပြတ်သားသောစကား၊ ဘာလုပ်တော့၊ ဘာလုပ်ရမယ်ဆိုတာကိုပြောရဲလုပ်ရဲသောသူတွေဖြစ်ပြီး၊ပြည်သူတွေနဲ့ တသားတည်းရှေ့ကနေဦးဆောင် သူုတွေဆိုတာတွေပါဘဲ။သူတို့ ကသာအပြောနဲ့ အလုပ်ကိုတထပ်တည်းကျအောင်လုပ်ခဲ့သော၊လုပ်သွားသော၊နောင်လည်း ဆက်လုပ်မယ်ဆိုတာကိုယုံကြည်ပါတယ်။
ဒါကြောင့်လည်းစစ်အစိုးရကသူတို့ ကို ထိန်းသိမ်းထားတာကပြန်မလွတ်တာပါ၊
သိုပေမဲ့ ကျွန်တော်တို့ ရဲ အထဲကိုရောက်သော၊အထိန်းသိမ်းခံရသော၊ အကျယ်ချုပ်ကြခံရသောသူတွေမသိခဲ့သောအချက်က
သူတို့ လောက်တောင်ကျန်သုတွေကပြည်တွင်းမှာရော၊ပြည်ပမှာ မလုပ်ရဲ မပြတ်သားရဲ ကြရတာရယ်၊ ပြည်သူကိုဦးဆောင်နိုင်
မှုမပေးနိုင်ဘူးဆိုတာကိုအနှစ် ၂၀ ထိထိသေသေချာချာသဲသဲကွဲကွဲမသိရသေးလို ဆိုတာကိုကျွန်တော်တို့ ပြည်သူတွေဝမ်းနည်းစွာ
ယခုတွေ့ ကြရတာပါ။

အခုက ပြည်တွင်းကရော၊ ပြည်ပကဆရာတွေကကော လုပ်နေသော အလုပ်ကိုမြင်သည်မှာတော တိုက်ပွဲဝင်မည်ဟုအော်ရင်း ။ လိုက်ပွဲများပါ ၀ိုင်းပြင်နေတာကိုတွေ့ မြင်နေရတာကလည်းမြင်တွေ့ ရပါတယ်။တကယ်တန်း ဖြစ်သင့်တာကတော့

အာဇာနည်မျိုး သေရိုးမရှိလို့ ဆိုပါတယ်။

တိုက်ပွဲကိုပြတ်ပြတ်သားသား ဝင်မှာလား။ ဒါမှမဟုတ်ရင် လိုက်ပွဲတွေကို ၀ိုင်းပြီးတော့ ပြင်မှာလား။

စိုင်းမွန်၊

ရက်စွဲ ၊ ၉ရက် ဧပြီလ ၂၀၀၈

၁၉၉၀ ပြည့်ရွေးကောက်ပွဲကြီး

န၀တ စစ်အစိုးရက ပါတီစုံဒီမိုကရေစီ အထွေထွေရွေးကောက်ပွဲကြီး ကျင်းပပေးဖို့ ဆုံးဖြတ်လိုက်
တာဟာ နိုင်ငံတကာ့အခြေအနေ ပြည်တွင်းအခြေအနေများအရ မကျင်းပပေးရင် ပိုမိုဆိုးဝါးလာနိုင်
ဖွယ်ရာရှိတယ်လို့မြင်ပြီး ကျင်းပမပေးရင် မဖြစ်နိုင်တော့တဲ့အတွက် ကျင်းပပေးတာဖြစ်ပါတယ်။
နောက်ထပ် အဓိက အခွင့်အလမ်းသာချက်တွေ ထွက်ပေါ်လာလိမ့်မယ်လို့ တွက်ဆယုံကြည်ပြီး
ကျင်းပပေးဖို့ဆုံဖြတ်ခဲ့တာပါတယ်။အင်အားအကြီးဆုံးဖြစ်တဲ့ (NLD) ကို ဘက်ပေါင်းစုံ ဖိနှိပ်ထားပြီး
ဖြစ်ပါတယ်။ အထက်မြက်ဆုံးနဲ့ လူထုယုံကြည်မှုအရဆုံးခေါင်းဆောင် ဒေါ်အောင်ဆန်းစုကြည်
ကိုလည်း ဖမ်းဆီးထားပြီးဖြစ်သလို၊ (NLD) အတွင်းက ထိပ်သီးခေါင်းဆောင် တော်တော်များများ
ကိုလည်း အကြောင်းအမျိုးမျိုးနဲ့ ထောင်သွင်းအကျဉ်းချထားနိုင်ပြီး ဖြစ်ပါတယ်။

ဦးဝင်းတင်၊ ဦးသော်က (မောင်သော်က)၊ ဦးထွန်းတင် တို့ကို ထောင်ထဲထည့်ထားပြီး ဖြစ်သလို
ဦးတင်ရွှေ၊ ဦးဝင်းခက် တို့လို ဒေါ်အောင်ဆန်းစုကြည် အစုဘက်က ပုဂ္ဂိုလ်တွေကိုလည်း တရားဝင်
ရပ်တည်နေထိုင်လို့မရအောင် ပြုလုပ်ထားပြီးဖြစ်ပါတယ်။ (NLD) ကို ဘက်ပေါင်းစုံ ကန့်သတ်ပြီး
(တ စ ည) ကို သိသိသာသာ မျက်နှာပေး လွှတ်ထားပေးထားပြီး ဖြစ်ပါတယ်။ ဒိလိုအချိန်မှာ
ရွေးကောက်ပွဲ ကျင်းပလိုက်ရင် ဘယ်လိုပဲဖြစ်ဖြစ် အနိမ့်ဆုံး၊ ပါတီတစ်ခုတည်းက အပြတ်အသတ်
အနိုင်ရတဲ့ အနေအထားမျိုးဖြစ်မလာဘဲ အားနည်းတဲ့ ညွှန့်ပေါင်းအစိုးရပုံသဏ္ဍာန်သာ ဖြစ်ပေါ်
လာလိမ့်မယ်လို့ တွက်ဆထားပါတယ်။ ဒါကြောင့် ရွေးကောက်ပွဲကို ကျင်းပပေးဖို့ ဆုံးဖြတ်လိုက်
တာ ဖြစ်ပါတယ်။ ရွေးကောက်ပွဲလုပ်ဖို့ သေချာသွားပြီဖြစ်ပေမယ့် တရားမျှတပြီး လွတ်လပ်တဲ့
ရွေးကောက်ပွဲ ဖြစ်မြောက်ဖို့အတွက် အခြေခံလိုအပ်ချက်ဖြစ်တဲ့ လွတ်လပ်စွာ စည်းရုံးလှုပ်ရှားနိုင်
ခွင့်အတွက် အာမခံချက်ပေးဖို့ အနိမ့်ဆုံး ၂/ ၈၈၊ ၈/ ၈၈ အမိန့်ကြေညာချက်တွေ ရုတ်သိမ်းပေးဖို့
နိုင်ငံရေးပါတီတွေက တောင်းဆိုကြပါတယ်။ (န.၀.တ) က ရုတ်သိမ်းမပေးခဲ့ပါ။ တရားမျှတပြီး
လွတ်လပ်တဲ့ ရွေးကောက်ပွဲ ဖြစ်မြောက်ရေးအတွက် အနိမ့်ဆုံးလိုအပ်ချက်တွေကိုတောင်
ဖြည့်ဆည်းလိုက်လျောခြင်းမရှိတဲ့အတွက် ရွေးကောက်ပွဲကြီးကို သပိတ်မှောက်ပစ်ကြမယ်ဆိုရင်
လည်း (န.၀.တ) အကြိုက်ပဲ ဖြစ်သွားမယ့် အနေအထားမျိုးနဲ့ နိုင်ငံရေးပါတီတွေ ရင်ဆိုင်ရပါတယ်။
န၀တ က တ.စ.ည ´တ.စ.ည´ နွယ်ပါတီတွေနဲ့ ပါတီစုံဆိုပြီး လုပ်သွားမယ့် အနေအထားမျိုးမှာ
ရွေးကောက်ပွဲ သပိတ်မှောက်ရေးကိုလဲ လှုံ့ဆော်လို့မဖြစ်ပါ။ ဒေါ်အောင်ဆန်းစုကြည် အဖမ်းခံရပြီး
နောက် (NLD) အတွင်းမှာလည်း မျိုးချစ်ရဲဘော်ဟောင်း (ဘောင်းဘီချွတ်ကြီး) များနဲ့ အရပ်သား
နိုင်ငံရေးသမားများကြား ကွာဟမှုတွေ အမြင်မတူမှုတွေ တိုးတက် ပေါ်ထွက်လာပါတယ်။
လွှတ်တော်ကိုယ်စားလှယ်လောင်း ရွေးချယ်ရေးကိစ္စမှာ မျိုးချစ်ကြီးများက လျာထားချင်တာနဲ့
မျိုးချစ်ရဲဘော် မဟုတ်သူများက လျာထာချင်တာ ကွာဟမှုတွေ ပေါ်ထွက်လာပါတယ်။ ဒါကြောင့်
ညှိနှိုင်းမရနိုင်အောင် ကွာဟမှုကြီးမားလှတဲ့နေရာတွေမှာ မူလက NLD ၀င် ဖြစ်ပါလျက်
တသီးပုဂ္ဂလအဖြစ်၊ NLD ကိုယ်စားလှယ်နဲ့ပါ ယှဉ်ပြိုင်အရွေးခံမယ့်သူတွေ ပေါ်ပေါက်လာရပါတယ်။

အဖမ်းအဆီးခံထားရတဲ့ကြားက ဒေါ်အောင်ဆန်းစုကြည် က ဗဟန်းမြို့နယ်ကနေ ၀င်ရောက်
ယှဉ်ပြိုင် အရွေးခံဖို့ NLD လွှတ်တော်ကိုယ်စားလှယ်လောင်းအဖြစ် စားရင်းတင်ပါတယ်။ (တစည)
ကိုယ်စားလှယ်လောင်းက အပြင်းအထန် ကန့်ကွက်ပါတယ်။ ရွေးကောက်ပွဲကော်မရှင်ကလည်း
န.၀.တ အလိုကျ ဒေါ်အောင်ဆန်းစုကြည်ကို ဖယ်ရှားခဲ့ပါတယ်။ ရွေးကောက်ပွဲ ဥပဒေ ပုဒ်မ
(၁၀) ပုဒ်မခွဲ (င) နဲ့ ငြိစွန်းတယ်ဆိုပြီး ရွေးကောက်ပွဲဝင်ခွင့် မပြုခဲ့ပါ။ တကယ်က (န.၀.တ)
အစိုးရက NLD ကို ရွေးကောက်ပွဲမှာ ၀င်ရောက်ယှဉ်ပြိုင်ခွင့်ပေးခဲ့တာဟာ၊ ဒေါ်အောင်ဆန်းစုကြည်
မပါဝင်ရအောင်လုပ်၊ ဦးဝင်းတင် တို့လို စစ်မှန်တဲ့ ပုဂ္ဂိုလ်တွေ မပါဝင်နိုင်အောင်လုပ်ပြီးမှ၊ န.၀.တ
စိတ်ကြိုက် ရလဒ်ထွက်ပေါ်လာလိမ့်မယ် မျှောလင့်ချက်နဲ့ ခွင့်ပြုကျင်းပခဲ့တာသာဖြစ်ပါတယ်။
အဓိက ပြိုင်မြင်းကို ကြိုးတုပ်ပြီးမှ အပြိုင်ခိုင်းခဲ့တဲ့ သဘောသာဖြစ်ပါတယ်။

(၉၀) ပြည့်နှစ်ရွေးကောက်ပွဲကြီးအတွက် မဲပေးပုံစနစ်ကိုလည်း ပြောင်းလဲထားပါတယ်။ ဆန္ဒမဲလက်
မှတ်ပုံစံနဲ့ဖြစ်ပြီး ဆန္ဒမဲလက်မှတ်မှာ ကိုယ်စားလှယ်လောင်းတွေအမည်၊ နိုင်ငံရေးပါတီအမည်နဲ့
အမှတ်အသား သင်္ကေတတွေပါဝင်ပါတယ်။ မဲဆန္ဒပေးမယ့် မဲဆန္ဒရှင်က ဆန္ဒမဲလက်မှတ်ကို
မဲရုံမှူးဆီက ထုတ်ယူပြီး ကိုယ်ကြိုက်နှစ်သက်တဲ့ ကိုယ်စားလှယ်လောင်းအမည်နဲ့ သင်္ကေတဘေး
မှာ ကြက်ခြေခတ်အမှတ်အသားတံဆိပ် ရိုက်နှိပ်ဖို့ဖြစ်ပါတယ်။ ထောက်ခံတာကို ကြက်ခြေခတ်နဲ့
ပြသဖို့ ဖြစ်ပါတယ်။ NLD ရဲ့သင်္ကေတ အမှတ်အသားက (ခမောက်) ဖြစ်ပြီး (တ.စ.ည) က
(စပါးနှံ) အမှတ်အသား ဖြစ်ပါတယ်။ ရွေးကောက်ပွဲနားနီးတဲ့ အချိန်မှာ NLD ရုံးရှေ့တွေမှာ
(ရွှေခမောက်) ကြီးတွေ၊ ခမောက် အမှတ်အသားတွေ စိုက်ထူထားကြပါတယ်။ ပြည်သူလူထုကြား
ထဲမှာ (ခမောက်) ဟာရေပန်းစားလာတဲ့အတွက် (ခမောက်) တင်လာတဲ့ကုန်ကားကိုတောင်
ရှာဖွေရေးဂိတ်က အပြစ်ရှာပြီး ဖမ်းဆီးတာမျိုးတွေ ပေါ်ပေါက်လာခဲ့ပါတယ်။ မန္တလေးဘက်မှာ
တော့ (ပိတောက်နဲ့ ငု နွေမှာ လှိုင်တယ်၊ ခမောက်နဲ့ စု မေမှာနိုင်မယ်) ဆိုတဲ့ ကြွေးကြော်သံမျိုးတွေ
ပျံနှံ ရေပန်းစားခဲ့ပါတယ်။

၁၉၉၀ ပြည့်၊ မေလ (၂၇) ရက်နေ့မှယတော့ န.၀.တ စစ်အစိုးရက ကြီးမှူးကျင်းပပေးမယ့် ပါတီစုံ
ဒီမိုကရေစီ အထွေထွေရွေးကောက်ပွဲကြီး ပေါ်ထွန်းလာပါတော့တယ်။ ဒီိမိုကရေစီအင်အားစုက
မဲမကွဲရေးကို အလေးထားသတိပေးကြပါတယ်။ (ဗ.က.သ) နဲ့ သံဃာ့အဖွဲ့အစည်းကလည်း မဲတွေ
ကွဲကုန်ရင်တော့ (န.၀.တ) အကြိုက်ဖြစ်သွားလိမ့်မယ်ဆိုတာ အလေးထားပြောဆိုကြပါတယ်။
ဝ နဲ့ ကိုးကန့် တို့ရဲ့ ပုန်ကန်ဖယ်ရှားရေးခြင်းကို ခံလိုက်ရတဲ့အတွက် ပြိုကွဲနေပြီးဖြစ်တဲ့ (ဗ.က.ပ)
ကလည်း ရွေးကောက်ပွဲကြီးကို အလေးထားကာ (တ.စ.ည) ကိုစိးချင်းနိုင်ရေးအတွက် ဒီမိုကရေစီ
အင်အားစုများ စုပေါင်းကြံစည်သင့်ပါသည် ဆိုတဲ့ တိုင်တွန်းမှုနဲ့ ဗမာပြည်ကွန်မြူနစ်ပါတီရဲ့
ရွေးကောက်ပွဲနှင့် ပက်သက်၍ သဘောထား ဆိုတာကို ၁၀-၂-၉၀ နေ့ နေ့စွဲနဲ့ထုတ်ပြန်ပါတယ်။
မေ (၂၇) ရက်ရွေးကောက်ပွဲကြီးကျင်းပတဲ့ မနက်မှာတော့ မဲလာထည့်တဲ့ န.၀.တ ဥက္ကဌ
ဗိုလ်ချုပ်မှူးကြီး စောမောင်ကို နိုင်ငံတကာ သတင်းမီဒီယာများက အာဏာလွှဲပြောင်းပေးရေးနဲ့
ပက်သတ်ပြီး မေးမြန်းကြပါတယ်။ ပါတီပေါင်း (၉၃) ပါတီ ၀င်ရောက်ယှဉ်ပြိုင်ကြတဲ့ ရွေးကောက်ပွဲ
ကြီးဖြစ်တဲ့အတွက် အပြတ်အသတ် အနိုင်ရမယ့်ပါတီ ရှိမှာမဟုတ်ဘူးလို့ လူပိန်းတွက် တွက်ဆထား
တဲ့ ဗိုလ်ချုပ်မှူးကြီးစောမောင် က အနိုင်ရတဲ့ ပါတီကို အာဏာလွှဲပေးလိုက်မှာပေါ့၊ တပ်မတော်က
စစ်တန်းလျားကိုပြန်မယ် လို့ ပြောကြားခဲ့ပါတယ်။

(၉၀) ပြည့်၊ မေလ (၂၇) ရက်နေ့ ရွေးကောက်ပွဲကြီးကို ပြည်သူလူထုတရပ်လုံးက တက်တက်ကြွကြွ
လာရောက် မဲဆန္ဒပေးကြပါတယ်။ ဗမာပြည်မှာ ကျင်းပပြုလုပ်ခဲ့တဲ့ ပါတီစုံဒီမိုကရေစီ အထွေထွေ
ရွေးကောက်ပွဲများသမိုင်းမှာ ပြည်သူလူထုမဲဆန္ဒပေးမှု ရာခိုင်နှုန်းအများဆုံးသော ရွေးကောက်ပွဲကြီး
အဖြစ် မှတ်တမ်းတင်ရပါလိမ့်မယ်။ ရွေးကောက်ပွဲ ၀င်ရောက်ယှဉ်ပြိုင်တဲ့ ပါတီပေါင်း (၉၃) ပါတီ
ပါတီကိုယ်စားပြု လွှတ်တော်ကိုယ်စားလှယ်ပေါင်း (၂၂၀၉) ဦး၊ တသီးပုဂ္ဂလ (၈၇) ဦးရှိပြီး
ဗမာပြည်သမိုင်းမှာ ပါတီအရေအတွက်အများဆုံး၊ ယှဉ်ပြိုင်သူဦးရေအများဆုံးသော ရွေးကောက်ပွဲ
ကြီးလည်း ဖြစ်ပါတယ်။ ၁၉၆၀ ပြည့်နှစ် ရွေးကောက်ပွဲနောက်ပိုင်း နှစ်ပေါင်း (၃၀) တိတိကြာမှ
ပေါ်ထါန်းခဲ့ရတဲ့ ပါတီစုံရွေးကောက်ပွဲကြီးလည်း ဖြစ်တဲ့အတွက် တကမ္ဘာလုံးကလည်း အလေးထား
စောင့်ကြည့်နေခဲ့ကြပါတယ်။ နိုင်ငံလုံး မဲဆန္ဒနယ် (၄၉၂) နေရာရှိတဲ့ အနက် (၄၈၅) နယ်အတွက်
ကျင်းပပေးခဲ့တာ ဖြစ်ပါတယ်။ မဲဆန္ဒနယ် (၂၄၅) ခု အထက် ယှဉ်ပြိုင်အရွေးချယ်ခံခဲ့ကြတဲ့ ပါတီ
ကြီး (၄) ခု ရှိပါတယ်။ (၁) အမျိုးသားဒီမိုကရေစီအဖွဲ့ချုပ် NLD၊ (၂) တ.စ.ည၊ (၃) UNDP
ဦးအောင်ကြီးပါတီ၊ (၄) ဒီ/ငြိမ်း တို့ဖြစ်ကြပါတယ်။

နိုင်ငံရေးအတွေ့အကြုံရင့်ကျက်ကြွယ်ဝနေပြီဖြစ်တဲ့ ပြည်သူလူထုကြီးတစ်ရပ်လုံးက မဲတွေကို
အကွဲမခံဘဲ မတရားသဖြင့် ဖမ်းဆီးထိန်းသိမ်းထားခြင်းခံနေရတဲ့ ဒေါ်အောင်ဆန်းစုကြည်ရဲ့ ပါတီ
(NLD) ကို တခဲနက် ပုံအော ထောက်ခံလိုက်ပါတယ်။ တလျောက်လုံး ဒုက္ခပေးခဲ့တဲ့ မဆလတဖြစ်
လဲ တစည ကိုလည်း ရွံ့မုန်း၊ မတရားသဖြင့် ဖိနှိပ်နေတဲ့ န.၀.တ ကိုလည်း အော့နှလုံးနာနေပြီး
ပြည်သူလူထုရဲ့ နိုင်ငံရေးရေချိန် မြင့်မားမှုကို ဖော်ပြလိုက်ကြပါတယ်။ ရှစ်လေးလုံးအရေးတော်ပုံ
ကြီးနဲ့ လမ်းမအထိထွက်ပြီး တခဲနက်ဆန္ဒပြခဲ့ကြတဲ့ ပြည်သူလူထုကြီးဟာ ၁၉၉၀ ပြည့်နှစ်
အထွေထွေရွေးကောက်ပွဲကြီးနဲ့ အသံတိတ်ဆန္ဒပြပွဲကြီးအဖြစ် တခဲနက် ထပ်မံ ဆန္ဒဖော်ပြလိုက်ပါ
တယ်။

ရလဒ်ကတော့ အမျိုးသားဒီမိုကရေစီအဖွဲ့ချုပ် NLD က အပြတ်အသတ်အနိုင်ရလိုက်ပြီး (န.၀.တ)
လိုလားတဲ့ (တ.စ.ည) ကခွက်ခွက်လန်အောင် ရှုံးနိမ့်သွားရခြင်းဖြစ်ပါတယ်။ NLD ဟာ ၀င်ရောက်
ယှဉ်ပြိုင်တဲ့ (၄၄၇) နယ်မှာ (၃၉၂) နယ် အနိုင်ရရှိလိုက်ပါတယ်။ အားလုံးပေါင်း (၄၈၅) နေရာ
အနက် (၃၉၂) နေရာ အနိုင်ရလိုက်တဲ့အတွက် တပြည်လုံးမှာ (၈၂) ရာခိုင်နှုန်း အနိုင်ရလိုက်တဲ့
လူထုထောက်ခံမှုအရဆုံး အဖွဲ့အစည်းကြီးအဖြစ် မှတ်တိုင်စိုက်ထူလိုက်ပါတယ်။ ဗမာပြည်သမိုင်း
မှာ ရွေးကောက်ပွဲသမိုင်းမှာ မရှိဖူးသေးတဲ့ ထူးထူးကဲကဲ အောင်ပွဲခံလိုက်မှုကြီးဖြစ်ပါတယ်။
န.၀.တ လိုလားတဲ့ (တ.စ.ည) ကတော့ (၁၀) နေရာသာ အနိုင်ရခဲ့ပြီး၊ ဦးအောင်ကြီးရဲ့ပါတီ
ကတော့ (၁) နေရာသာရခဲ့ပါတယ်။ အောင်မြေနင်းမယ်ဆိုပြီး ရွှေဘို ကနေ အရွေးခံခဲ့တဲ့
ဦးအောင်ကြီးကိုယ်တိုင် ခွက်ခွက်လန်အောင်ရှုံးပြီး ပြန်ပြေးလာခဲ့ရပါတယ်။ ဦးနုရဲ့ ဒီ/ငြိမ်း ကတော့
တစ်နေရာတောင် မရရှိခဲ့ပါ။ (၅၈) နေရာ ၀င်ရောက်ယှဉ်ပြိုင်ခဲ့ရာမှာ (၂၃) နေရာ အနိုင်ရခဲ့တဲ့
ရှမ်းတိုင်းရင်းသားများ ဒီမိုကရေစီအဖွဲ့ချုပ် က အောင်မြင်မှုမှာ ဒုတိယလိုက်ခဲ့ပြီး၊ (၁၁) နေရာ
အနိုင်ရခဲ့တဲ့ ရခိုင်ဒီမိုကရေစီအဖွဲ့ချုပ် ဟာ တတိယ နေရာလိုက်ခဲ့ပါတယ်။

အသံတိတ်ဆန္ဒပြပွဲကြီးအဖြစ် လူထုကြီးရဲ့ တခဲနက် ဖော်ပြလိုက်မှုကြောင့် မကြုံစဖူး အောင်မြင်မှု
ရရှိလိုက်တဲ့ NLD ရဲ့အောင်ပွဲခံရလဒ်ဟာ (န.၀.တ) စစ်အစိုးကို အံ့သြတုန်လှုပ်သွားစေခဲ့ပါတယ်။
ဘယ်လိုမှ မျှော်လင့်မထားတဲ့ ရလဒ်ဖြစ်တဲ့အတွက် အကြီးအကျယ် အံ့အားသင့်သွားစေခဲ့ပါတယ်။
စစ်သားတွေ အများဆုံးရှိတဲ့ စစ်နယ်မြေ မင်္ဂလာဒုံ၊ မိတ္ထီလာတို့လိုနေရာတွေမှာတောင် (NLD) က
ပဲ အောင်ပွဲခံလိုက်နိုင်တဲ့ အပေါ် စစ်အစိုးရအဖို့ တုန်လှုပ်စရာ ဖြစ်ရပါတယ်။ အစိုးရအမှုထမ်းတွေ
ချည်းလိုလိုရှိတဲ့ ကိုကိုးကျွန်းမြို့နယ်မှာလည်း (NLD) ကပဲ အနိုင်ရလိုက်ပါတယ်။

ဆရာ ၀င်းတင့်ထွန်း ရဲ့ ( အမှောင်ကြားက ဗမာပြည်) မှ ၁၉၉၀ ပြည့်ရွေးကောက်ပွဲကြီး
အကြောင်းဖြစ်ပါတယ်။
မြန်မာပြည်တွင် ချစ်ခင်ရင်းနှီးစွာ နေထိုင်လာခဲ့ကြသောတိုင်းရင်းသားညီအကို မောင်နှမ တို့၏
ဘ၀များ နှင့် မြန်မာပြည်သူလူထု တရပ်လုံးအား သားစဉ်မြေးဆက် စစ်ကျွန်ဘ၀ရောက်မည့်
ဖွဲ့စည်းပုံအခြေခံဥပဒေအား အတည်ပြုမည့် လူထုဆန္ဒခံယူပွဲတွင် မြန်မာနိုင်ငံတစ်ဝှမ်းလုံး
စစ်အာဏာရှင် အစိုးရ အံ့သြတုန်လှုပ် ခြောက်ချားစေမည့် ဆန့်ကျင်ကန့်ကွက် မဲများထည့်ပေး
ကြပါရန် တိုက်တွန်းအပ်ပါသည်။

ခိုင်ခန့်

စစ်အစိုးရ အာဏာတည်မြဲရေး ဖွဲ့စည်းပုံအဖြစ် NLD သုံးသပ် ( Click )

လူ့အခွင့်အရေး ရံပုံငွေ မြန်မာဓာတ်ပုံပြပွဲကျင်းပ ( Click )

အိုလံပစ်ပွဲပြုလုပ်မည့် တရုတ်နိုင်ငံတွင် ၁၉၈၉ ခုနှစ်က ဖြစ်ပွားခဲ့သော တိန်အင်မင် အရေးအခင်း

Doucement video ကြည့်ရန် ဒီနေရာကို Click

အိုလံပစ်ပွဲပြုလုပ်မည့် တရုတ်နိုင်ငံတွင် ၁၉၈၉ ခုနှစ်ဧပြီလတွင်စတင်ဖြစ်ပွားခဲ့သော တိန်အင်မင် အရေးအခင်းကို အစမှ အဆုံးအထိ ကြည့်ရူနိုင်ပါသည်။ တရုတ်အစိုးရ စစ်တပ်၏ ရက်စက် ကြမ်းကြုတ်မှုများ။ လူ့အခွင့်အရေးချိုးဖောက်မှုများကို မျက်ဝါးထင်ထင်တွေ့မြင်နိုင်ပါသည်။

လက်ရှိတွင်လည်း မြန်မာစစ်အစိုးရကို တရုတ်က လက်နက် ထောက်ပံ့ အကာအကွယ်ပေး၊ ငွေကြေး ကူညီနေ ပါတယ်။ တရုတ်က အဲဒီလို စီးပွားရေး၊ နိုင်ငံရေးနဲ့ ကူညီထောက်ပံ့မှုတွေကြောင့်လည်းပဲ မြန်မာပြည်မှာ ဗိုလ်ချုပ်ကြီးတွေ အာဏာရနေတာဖြစ်ပါတယ်။

ထိုင်းအခြေစိုက် မြန်မာအတိုက်အခံတွေ စိစစ်ခံနေရ (ဗွီအိုအေ)

ထိုင်း-မြန်မာနယ်စပ်တလျှောက်မှာ မြန်မာ
စစ်အစိုးရနဲ့ ဆက်ပြီး လက်နက်ကိုင်တိုက်
ခိုက်မှုတွေ ဖြစ်နေဆဲရှိတဲ့ ကရင်အမျိုးသား
အစည်းအရုံး (ကေအန်န်ယူ) နဲ့ ကရင်နီ
အမျိုးသား တိုးတက်ရေးပါတီ (ကေအန်န်
ပီပီ) တို့ရဲ့ ထိုင်းနယ်စပ် ဆက်သွယ်ရေးရုံး
တွေကို ထိုင်းလုံခြုံရေးအာဏာပိုင်တွေက
ဝင်ရောက်စီးနင်းရှာဖွေပြီး ဒီအဖွဲ့အစည်းတွေ ထိုင်းနယ်မြေအတွင်းမှာ ရပ်တည်လှုပ်ရှား
တာတွေမလုပ်ဖို့ ဖိအားပေးမှုတွေ ရှိနေတယ်
လို့ သိရပါတယ်။ အကြောင်းစုံကို
ကိုသားညွန့်ဦးက ဆက်သွယ်မေးမြန်း တင်ပြပေးထားပါတယ်။

ကေအန်န်ယူ ကရင်အမျိုးသားအစည်းအရုံးဟာ မြန်မာနယ်စပ်တွင်း သူတို့ထိန်းချုပ်
ထားတဲ့ နေရာတွေမှာ စစ်ရေးအရ အခြေချလှုပ်ရှားနေရတာ ဖြစ်ပေမယ့် ဆက်သွယ်
ရေးရုံးတွေ၊ ထောက်ပံ့ရေးကိစ္စတွေကို ထိုင်းနယ်စပ်ဘက်ကနေ ဆောင်ရွက်နေရတဲ့
သဘော ရှိပါတယ်။ ထိုင်းနိုင်ငံနဲ့ ကေအန်န်ယူဆိုတာကလည်း ထိုင်း-မြန်မာနယ်စပ်
တလျှောက်မှာ ဟိုးတုန်းကတည်းက အပြန်အလှန် အမှီသဟဲပြုပြီးတော့ ရပ်တည်နေ
ခဲ့ကြတာပါ။

ဒါပေမယ့် အခုနောက်ပိုင်း ထိုင်း-မြန်မာ စီးပွားရေးဆက်ဆံမှုတွေ အားကောင်းလာတဲ့
နောက် နယ်စပ်စီးပွားရေးနဲ့ အခြားစွမ်းအင်ဆိုင်ရာ နှစ်နိုင်ငံပူးပေါင်းဆောင်ရွက်မှု
တွေမှာ ကေအန်န်ယူနဲ့ အခြားတိုင်းရင်းသား လက်နက်ကိုင်တွေဟာ အနှောင့်အယှက်
တခုလို ဖြစ်လာတယ်လို့ ထိုင်းဘက်က ယူဆလာပုံရပါတယ်။ အခုနောက်ပိုင်းတက်
လာတဲ့ ထိုင်းဝန်ကြီးချုပ် ဆမတ် ဆွန်ထရာဝေး (Samak Sundaravej) လက်ထက်မှာ
ဆိုရင် မြန်မာအစိုးရနဲ့ စီးပွားရေးဆက်ဆံမှုတွေ ပိုအလေးပေးလာတာ တွေ့ရပါတယ်။

ဒါပေမယ့် အခုလို မဲဆောက်မြို့က ကေအန်န်ယူရုံးတွေကို ထိုင်းလုံခြုံရေးတပ်တွေ
ဝင်ရောက်စီးနင်းရှာဖွေတာမျိုးတွေ အရင်ဝန်ကြီးချုပ် သက်ဆင်လက်ထက်မှာတောင် မတွေ့ခဲ့ရပါဘူး။ အခု ဒီကနေ့မနက်ပိုင်းမှာတော့ မဲဆောက်ဝန်းကျင်က ကေအန်န်ယူ
အဖွဲ့အစည်းရဲ့ ဆက်သွယ်ရေးရုံး အနည်းဆုံး အိမ် ၁၂ လုံးကို ထိုင်းလုံခြုံရေးတွေက
ဝင်ရောက်ရှာဖွေခဲ့ပါတယ်။ ဒါပေမယ့် ကေအန်န်ယူခေါင်းဆောင်ပိုင်း အတော်များများ
ကတော့ သတင်းအရ ကြိုတင်တိမ်းရှောင်နိုင်ခဲ့ကြတယ်လို့ ကေအန်န်ယူအသိုင်းအ၀ိုင်း သတင်းတွေအရ သိရပါတယ်။ ဒါနဲ့ပတ်သက်လို့ ကေအန်န်ယူအဖွဲ့ဝင်တဦးဖြစ်တဲ့ မခိုင်မာကျော်ဇောကို ကျနော် မေးကြည့်ပါတယ်။

“၀င်စစ်တယ်လေ၊ ဒီမနက် ၇ နာရီလောက်က”

ဝင်ရှာတယ်ဆိုတာက ပစ္စည်းရှာတာလား၊ လူကိုပါရှာတာလား။

“ဒီလူတွေအိမ်လား၊ ဒီခေါင်းဆောင်တွေအိမ်ဟုတ်လားပေါ့။ သူတို့မှာ စာရင်းလည်း
ရှိပြီးသား။ ဒီမှာနေတယ်ဆိုတာ အိမ်နံပါတ်တွေ ဘာတွေလည်း သူတို့သိတယ်။ သူတို့ စာရင်းယူလာတယ်၊ ဓာတ်ပုံနဲ့။ ပစ္စည်းရှာတာကတော့ အဓိက လက်နက်ပေါ့။ နောက် သူတို့ကပြောတယ်။ ခေါင်းဆောင်တွေဖြစ်တယ်၊ အဖွဲ့တွေဖြစ်တယ်ဆိုရင် ဒီမှာ အခြေ ချလို့မရဘူးပေါ့။ ကိုယ့်နယ်မြေ တော်လှန်ရေးလုပ်တယ်ဆိုရင် ကိုယ့်နယ်မြေမှာပြန်ပြီး အခြေချဖို့ပြောတယ်။ ကျန်တာ ပစ္စည်းသိမ်းတာ၊ ဖမ်းတာဆီးတာတော့ မရှိဘူး။”

အခုလာတာက ထိုင်းရဲကလား၊ စစ်တပ်ကလား။

“နှစ်ဖွဲ့လုံးပဲ။ ၀င်တဲ့နေရာတိုင်း နှစ်ဖွဲ့လုံးပဲဝင်တယ်။”

အရင်တုန်းကဆိုရင် မဲဆောက်မှာ ကေအန်န်ယူဘက်က ဆက်သွယ်ရေးရုံးလေးတွေ အများကြီးရှိပါတယ်။ ဒါပေမယ့် ထိုင်းဘက်က အနှောင့်အယှက်ပေးတာမရှိဘူး။ အခုမှ ထူးထူးခြားခြားဖြစ်လာတာ ဘယ်လိုများ ယူဆပါသလဲ။

“ကျမတို့ယူဆချက်ကတော့ နအဖစစ်အစိုးရနဲ့ အခုတက်လာတဲ့ ထိုင်းဝန်ကြီးချုပ်နဲ့က ဆက်ဆံရေးပိုအဆင်ပြေတယ်။ မြန်မာနိုင်ငံကပြန်လာတာလည်း သိပ်မကြာသေးဘူး။
နောက် ထိုင်းဘက်ကလည်း သူတို့သဘောထားကို ပြောပြီးသား။ သူတို့က မြန်မာအစိုး
ရနဲ့ စီးပွားရေး ပူးပေါင်းလုပ်ဆောင်သွားဖို့ ကြေညာထားပြီးသား ဖြစ်တယ်ဆိုတော့၊
တဖက်ကလည်း ကျမတို့ရဲ့ သတင်းတွေအရဆိုရင် လွန်ခဲ့တဲ့ မတ်လ ၁၀ ရက်နေ့က
မြ၀တီဘက်ကမ်းက ဒီကေဘီအေ အခြေစိုက်တဲ့နေရာမှာ နအဖရယ်၊ ဒီကေဘီအေ
ရယ်၊ ကေအန်ယူကခွဲထွက်သွားတဲ့ ငြိမ်းချမ်းရေးကောင်စီ ဗိုလ်ချုပ်ထိန်မောင်တို့အဖွဲ့
ရယ် အစည်းအဝေးလုပ်ကြတယ်။ အခု ထိုင်းကလည်း စစ်အစိုးရနဲ့ပူးပေါင်းပြီးတော့ စီးပွားရေးလုပ်မယ်ဆိုတော့ ပူးပေါင်းဆောင်ရွက်ချက်လို့ထင်တယ်။ နောက်တချက်က
အခုလာမယ့် မတ်လ ၂၇ ရက်၊ တော်လှန်ရေးနေ့ မြ၀တီမှာ စီးပွားရေးစက်မှုဇုန်ဖွင့်ပွဲ
ရှိတယ်။ ဒါကြောင့် အဲဒါမတိုင်ခင် ရှင်းလင်းထားတယ်လို့ ကျမတို့အနေနဲ့ သုံးသပ်လို့
ရပါတယ်။”

ထိုင်းနိုင်ငံနဲ့ ကေအန်န်ယူဆက်ဆံရေးက ဟိုတုန်းကတည်းက တောက်လျှောက်လိုလို တော်တော်လေး အဆင်ပြေခဲ့ပါတယ်။ အခုနောက်ပိုင်း ထိုင်းနိုင်ငံဘက်က လုပ်လာ
ကိုင်လာတာတွေနဲ့ပတ်သက်လို့ ကေအန်န်ယူအတွက် တစုံတရာ ထိခိုက်နိုင်လား၊
မခိုင်မာ ဘယ်လိုယူဆပါလဲ။

“အဲဒါက နှစ်ပိုင်းရှိနိုင်တာပေါ့။ အခုတက်လာတဲ့ ထိုင်းအစိုးရက အပြောင်းအလဲ တပိုင်း
ဖြစ်လာသလို တချိန်တည်းမှာလည်း အောက်ခြေပိုင်း မြို့နယ်ပိုင်းဆိုင်ရာတွေနဲ့တော့
ဆက်ဆံရေးက ကောင်းပါတယ်။ သတင်းအရပဲဖြစ်ဖြစ်၊ နားလည်မှုတွေတော့ ရှိကြပါ
တယ်။ ဒါပေမယ့် အခုတက်လာတဲ့ ၀န်ကြီးချုပ်ရဲ့ အပြောင်းအလဲပေါ်လစီကြောင့်လည်း
ဖြစ်နိုင်တယ်။ ဒီဟာကလည်း နယ်မြေဆိုင်ရာက စစ်တာမဟုတ်ဘဲ ထိပ်ပိုင်းက
ဆုံးဖြတ်ချက်အရ စစ်တာပေါ့။ ဒါကြောင့်မို့လည်း ကျမတို့ သတင်းကြိုရတာပေါ့။
Surprise Check ပုံစံမျိုးမဟုတ်ဘဲ ဒီမှာရှိနေတဲ့ ဆက်ဆံရေးဌာနတွေက ကြိုသတင်း
ပေးတာမျိုးလေ။ ကြိုသိရတာပေါ့။ တကယ်လို့သာ ဆက်ဆံရေးအဆင်မပြေထားဘူး
ဆိုရင် ဒီလိုသတင်းတွေ မရနိုင်ဘူးလေ။”

ပြီးခဲ့တဲ့ တနင်္လာနေ့ မတ်လ ၂၄ ရက်နေ့ကတော့ မဲဟောင်ဆောင်မှာရှိတဲ့ ကေအန်န်
ပီပီ ကရင်အမျိုးသားတိုးတက်ရေးပါတီ ဆက်သွယ်ရေးရုံးတွေကိုလည်း ထိုင်းအာဏာ
ပိုင်တွေဘက်က အလားတူ ၀င်ရောက်ရှာဖွေတာတွေ လုပ်ခဲ့တယ်လို့ သိရပါတယ်။
ဒါပေမယ့် ကေအန်န်ပီပီ အတွင်းရေးမှူး ခူးရီမန်ထူးကတော့ အခြေအနေက ကြားရ
သလောက် မဆိုးတဲ့သဘော အခုလို တုံ့ပြန်ပါတယ်။

“ကျနော်တို့ကိုတော့ သူတို့ ဘာမှ ထူးထူးခြားခြား မလုပ်သေးပါဘူး။ ဘယ်မှာနေလဲ၊ ဘယ်ရပ်ကွက်မှာနေလဲ၊ ဘယ်သူက တာဝန်ခံပြီးနေလဲ။ အဲဒီလောက်ပါပဲ။”

ဟုတ်ကဲ့၊ ထိုင်းက ရဲရော စစ်တပ်ရော ပါတယ်လို့ ကြားရပါတယ်။

“ကျနော်တို့နဲ့ရင်းနှီးတဲ့လူတွေပဲ လာပြီးမေးမြန်းတာပါ။”

တစုံတရာဖိအားပေးတာမျိုးတွေရော ရှိပါသလား။

“ဘာမှမရှိသေးပါဘူး။”

အခုလို နယ်စပ်က တိုင်းရင်းသားလက်နက်ကိုင်အဖွဲ့အစည်းတွေကို ထိုင်းဘက်က ဖိအားပေးနေပြီဆိုတဲ့ အခြေအနေကြောင့် အခြား မြန်မာ့ဒီမိုကရေစီရေး လှုပ်ရှားမှု
တွေကိုလည်း တစုံတရာ ရိုက်ခတ်လာခြေရှိပါတယ်။

ထိုင်း-မြန်မာနယ်စပ်မှာတော့ အဓိကကျတဲ့ တိုင်းရင်းသားအဖွဲ့အစည်းဟာ ကေအန်န်
ယူ ဖြစ်ပါတယ်။ အခုဖြစ်တဲ့ကိစ္စတွေဟာ နယ်စပ် ထိုင်း-မြန်မာ စီးပွားရေးနဲ့ စွမ်းအင်
လုပ်ငန်းဆိုင်ရာ လုံခြုံရေးအတွက် ဖြစ်နိုင်တယ်လို့ ယူဆရပါတယ်။ မြန်မာနိုင်ငံဘက်
က ထိုင်းဘက်ကို သဘာဝဓာတ်ငွေ့ပိုက်လိုင်းနဲ့ ဓာတ်ငွေ့ရောင်းချနေတာတွေဟာ ကေအန်န်ယူနယ်မြေကို ဖြတ်သန်းရသလို၊ အခု ထိုင်းနဲ့ အကြီးအကျယ်ဆောက်လုပ်
မယ့် တာဆန်းရေကာတာစီမံကိန်းဟာလည်း ကေအန်န်ယူနဲ့ ကေအန်န်ပီပီ ထိန်းချုပ်
ရာနေရာတွေနဲ့ ဆက်စပ်နေပါတယ်။ ဒါ့အပြင် မြန်မာ-ထိုင်း အာရှလမ်းမဖောက်လုပ်
ရေး၊ နယ်စပ်စီးပွားရေးဇုန် တည်ဆောက်ရေးအတွက် နေရာတွေဟာလည်း ကေအန်န်ယူထိန်းချုပ်နယ်မြေတွေနဲ့ ဆက်စပ်နေတာမို့ အခုဖိအားတွေဟာ ဒါကြောင့် ဖြစ်လာတယ်လို့ ယူဆစရာရှိပါတယ်။

ပြည်တွင်းစစ်မီးကြီး တဖန်ပြန်လည်၍ တောက်လောင်ရန်သို့

နိုင်ငံတကာမှ ထုတ်ဝေသော သတင်းစာမျက်နှာများပေါ်၌ သတင်းသမားများက အလိုက်တသိနှင့် ဒေါ်စု ဂန်ဘာရီကို မျက်နှာလွှဲထားပုံများအား ရွေးချယ်ဖေါ်ပြသွားကြသည်။ ပြည်သူတို့အတွက်တော့ မျှော်လင့်ချက်မဲ့သကဲ့သို့ စိတ်မကောင်းစရာပါပေ။ ဂန်ဘာရီကတော့ ဟန်မပျက်။ နအဖနှင့် ရှေ့တွင်တမျိုး ကွယ်ရာကျတော့တဖုံ ပုံစံအမျိုးမျိုး အသုံးတော် ခံ လာနေကျမို့ သိပ်မဖြုံ။ ကုလက အာဏာကုန် လွှဲအပ်ထားခြင်းပြီး ခံထားရသူမို့လဲ ရေရှည်ရပေါက်ရလမ်းတရပ် အနေနှင့် မြန်မာ့အရေး ခွေးကတက်ကပဲ မျှော်ရမျှော်ရ၊ ခွေးတိုးပေါက်ကပဲ ဝင်ရဝင်ရ တက်အားထကြွစွာ မသေမချင်း ပါဝင်လုပ်ဆောင်ဖို့၊ နအဖကို စစ်လက်နက်ပစ္စည်းစက်ရုံကြီးတွေ တည်ပေးစဉ်က ကိုရီးယားနိုင်ငံခြားရေးဝန်ကြီးဘဝဖြင့် မသိကျိုးကျွန် ပြုလျှက်က ကမ္ဘာ့ကုလသမဂ္ဂအထွေထွေအတွင်းရေးမှုးချုပ် တက်ဖြစ်လာသူ ဘန်ကီမွန်းနှင့် လက်းဝါးရိုက်ပြီးသား။

ဒီကြားထဲ ဘန်ကီမွန်းကိုယ်တိုင် သွားရောက်သင့်ကြောင်း တိုက်တွန်းပြောဆိုသံတွေ ကြားလာရပြန်တော့ မြန်မာပြည်သူတွေအတွက် စိုးရိမ်တကြီးရှိကြရှာသည့် နိုင်ငံတကာအသိုင်းအဝိုင်းကို ကျေးဇူးတင်ရင်း ရင်ထဲဆို့နစ် ကြေကွဲရသည်။ တိုင်းပြည်ကံကြမ္မာကို ကြိုတင်မမြင်ရသည့် အနာဂတ်တွင် မှန်းဆမြင်ယောင်ရင်း ပြည်ပနေထိုင်သူတွေ အသီးသီးက ရင်တမမ ရှိကြရပြီ။ ပွင့်ပွင့်လင်းလင်းရှိလွန်းလှသည့် ကမ္ဘာကြီး၏ အတွေ့အကြုံများအရ ဆင်းရဲရိုးသားဖြူစင်သည့် ပြည်သူတွေနေထိုင်ရာ နိုင်ငံတခု လားရာနိဂုံးက ဆုံးစမမြင်နိုင်ပေ။ အနီးစပ်ဆုံး ကမ္ဘောဒီးယား၊ ဗီယက်နမ်တို့မှနေ မြောက်ကိုရီးယား၊ အရှေ့ ဥရောပနိုင်ငံများ၊ လိုက်ဘေးရီးယား၊ ဆူဒန် စသည့် နိုင်ငံများနည်းတူ ဖြစ်လာနိုင်သည်။ နှစ်ပေါင်းခြောက်ဆယ်ကြာ လိမ်ကျစ်လာခဲ့သည့် မြန်မာစစ်အာဏာရှင် အစဉ်အဆက် နိုင်ငံရေး လူမျိုးရေး ရှုပ်ထွေးမှုပေါင်းစုံ၏ ရလဒ်က အလုံးစုံပျက်သုန်းရေးသို့ ဦးတည်နေသည်။

အိမ်နီးချင်းအင်အားကြီးနိုင်ငံများ ဝိုင်းဝန်းမြှောက်ပင့် ဘေးတီးပေးသကဲ့သို့ ပြည်ဖျက်မိစ္ဆာ စစ်အာဏာရှင်တွေ ကိုယ်တိုင် လိုလိုလားလား မျှော်လင့်တောင့်တနေသလိုမျိုး ၄င်းတို့တသက်လုံး အိပ်မက်မက်လာခဲ့ရသည့် အနောက်အင်အားကြီးနိုင်ငံ (သို့မဟုတ်) အမေရိကန်နှင့် စစ်ပြုဖို့ဆိုရာမှာလည်း အားလုံးသိကြသည့်အတိုင်း လုံးဝဥဿုံ အခြေအမြစ်ကင်းမဲ့နေသည်။

သို့ဆိုလျှင် အနှီ နလပိန်းတုံး စစ်ဗိုလ်ချုပ်ဆိုသူတစုတို့ ဘာကိုလိုချင်ပါသနည်း။ ရှင်းပါသည်။ ယောင်္ကျားကြီးများ တန်မဲ့ စစ်ဗိုလ်ကြီးများတန်မဲ့ ကိုယ်စွန်းကိုယ်စနှင့် အရှက်သိက္ခာ ကင်းမဲ့စွာ အချောက်တိုက် အချောင်နှိုက် အချောင်စား အချောင်နေချင်သော လူသိမ်လူဖျင်းဝါဒနှင့် ရိုးသားအေးချမ်းစွာနေထိုင်လိုသည့် အပြစ်မဲ့ပြည်သူ တရပ်လုံးကို ဆင်းရဲတွင်းထဲနှစ်ကာ မတရားအဓမ္မ အနိုင်ကျင့် ယုတ်မာနေခြင်းမျှသာ ဖြစ်သည်။

ဤသည်ကိုပင် ကြီးကြီးကျယ်ကျယ် တာဝန်ကြီးသုံးရပ် အမည်တပ်လျက် ကမ္ဘာပတ်လိမ်ဖို့များ သူရို့ မို့ မတန်မရာ ကြံစည်ဝံ့သည်။ တရုတ်ကုလား အားကိုးနှင့် တောင်အော် မြောက်အော် လျှောက်အော်နေပုံမျိုးက အရှေ့ တောင်အာရှလို ရပ်ကွက်ထဲမှာသာ ရချင်ရလိမ့်မည်။ ဒီထက်တော့မပိုသလို ကမ္ဘာကလည်း လူရာမသွင်း။ သို့သော်လည်း လူမိုက်တော့ငှားခံရသည်။ အမေရိကန်ကို ကလိလိုသည့် တရုတ် ကုလား ရုရှားများက အသုံးချသမျှ ဟုတ်လှပြီအမှတ်နှင့် အဆီဗူးတခါခါ ဖြစ်နေရှာသည်။

အမှန်ရူးနေလျှင်လည်း အထူးသနားဖွယ်ရာပါပေ။ သို့သော်လည်း အရူးပါးဗိုလ်ချုပ်တို့က အများသိရှိပြီးဖြစ်သည့်အတိုင်း ရာရာသသ ပလ္လင်ပေါ်တက်ထိုင်ရုံမျှမက ကိုယ်အမျိုးကိုယ်သတ် ဟစ်တလာထက်ပင် ရိုင်းလိုက်ချေသေး၏။

ကိုယ်ပြုသော အမှုအတိုင်း ခံစားစံစားကြရသည်ချည်းသာတကား။ စစ်အာဏာရှင်တစု မတရားသောအမှု ပြုသမျှအဝဝကို လူဟူသော သုံးဆယ့်တစ်ဘုံသားတို့က ဝဋ္ဋ်ကြမ္မာအားလျှော်စွာ မနိုင့်ရင်ကာ ခံသော်ငြားလည်း ထိုမှအပ ဖြစ်သည့် ကမ္ဘာစဉ်ဆက် မပြတ်တည်တံ့သော သဘာဝလောကကြီး၏ လက်တုံ့ပြန် ဒဏ်ခတ်ခြင်းကိုမူ အဆိုပါစစ်ဗိုလ်ချုပ်ကြီများနှင့်တကွ နောက်လိုက်များအားလုံး မလွဲမသွေ ရင်ဆိုင်ပျက်စီးကြရပေလိမ့်မည်။ ရန်ကိုရန်ချင်းမတုံ့နှင်းသော အမျိုးသားဒီမိုကရေစီအဖွဲ့ချုပ်ကြီးနှင့် ရဟန်းရှင်လူကျောင်းသားပြည်သူတရပ်လုံး၏ စေတနာပြည့်ဝ မေတ္တာဓါတ်သည် ဖြစ်လာလတံ့သော အန္တရာယ် အလုံးစုံကို လုံခြုံချမ်းသာရာ ရစေပါလိမ့်မည်။

ယခုပင်လျှင် အချိန်အခါကာလသို့ကျရောက်ပြီ ဖြစ်ပါ၍ ကမ္ဘာ့ အချုပ်အခြာအာဏာကို ပိုင်သသော ကုလသမဂ္ဂအဖွဲ့အစည်းကြီး ကိုယ်တိုင်၏ သစ္စာပျက်ယွင်းခြင်းတစ်ကြောင်း၊ တရုတ်၊ ကုလား၊ ရုရှားနှင့် တောင်/မြောက်ကိုရီးယားတို့ ထုတ်လုပ်တပ်ဆင်ပေးထားသည့် စစ်လက်နက်ပစ္စည်းများ၏ သွေးကြွရန်လိုတတ်သော သဘောဆောင်ခြင်းတကြောင်း၊ ထိုသို့ ဦးတည်ထားသည့် နအဖ၏ ဆန္ဒခံယူပွဲက ဒေါ်အောင်ဆန်းစုကြည်နှင့် အပြည်ပြည်ဆိုင်ရာတို့ တောင်းဆိုလိုလားအပ်သော အကြမ်းမဖက် ငြိမ်းချမ်းစွာ ပြောင်းလဲရေးအား လုံးလုံးလျားလျား ပစ်ပယ်အဆုံးသတ်စေပြီး အဓမ္မလောကကိုထူထောင်မည့် အကြောင်းတို့ဖြစ်ခြင်းကြောင့် မကြာမီ ပြည်တွင်းစစ်မီးကြီး တဖန်ပြန်လည်၍ တောက်လောင်ရန်သို့ ဦးတည်နေပြီဖြစ်ကြောင်း ရေးသားတင်ပြအပ်ပါသည်။

ဇော်မျိုးလွင်

မစ္စတာဂမ်ဘာရီ ပြန်ပြီ၊ ခရီးစဉ်ရလဒ် တိကျမှုမရှိ (ဗွီအိုအေ)

မြန်မာနိုင်ငံကနေ ပြန်လည်ထွက်ခွာလာပြီဖြစ်တဲ့
ကုလသမဂ္ဂ အထူးကိုယ်စားလှယ် အီဘရာဟင်မ်
ဂမ်ဘာရီ (Ibrahim Gambari) ရဲ့ အခုတခေါက်
ခရီးစဉ် အောင်မြင်မှုအခြေအနေနဲ့ပတ်သက်ပြီး
တိကျတဲ့ရလဒ် ပေါ်ထွက်လာတာမျိုး မရှိဘူးလို့
အဝေးရောက် ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (အန်န်စီဂျီယူဘီ)
အဖွဲ့ရဲ့ ကုလသမဂ္ဂရေးရာတာဝန်ခံ ဒေါက်တာ
သောင်းထွန်းက ဝေဖန်ပြောဆိုလိုက်ပါတယ်။
ပြီးတော့ မြန်မာပြည်အရေးကို ကုလသမဂ္ဂ
လုံခြုံရေးကောင်စီက ကိုင်တွယ်သင့်ပြီလို့လည်း
ဆိုလိုက်ပါတယ်။ အကြောင်းစုံကို မနန္ဒာချမ်းက ဆက်သွယ်မေးမြန်း တင်ပြပေးထားပါတယ်။

မြန်မာနိုင်ငံမှာ အမျိုးသားပြန်လည်သင့်မြတ်ရေးအတွက် ကြားဝင်ဆောင်ရွက်ပေးနေ
တဲ့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်း (Ban Ki-moon) ရဲ့ အထူး
ကိုယ်စားလှယ် မစ္စတာဂမ်ဘာရီဟာ မြန်မာနိုင်ငံကို သုံးရက်ကြာ သွားရောက်ခဲ့ပြီး
တနင်္လာနေ့မှာ ပြန်လည်ထွက်ခွာသွားခဲ့ပါပြီ။ သူ့ရဲ့ အခုတခေါက် ခရီးစဉ်အတွင်း မြန်မာစစ်အစိုးရဘက်မှ ပြန်ကြားရေးဝန်ကြီး ဗိုလ်မှူးချုပ်ကျော်ဆန်းနဲ့ တွေ့ဆုံချိန်မှာ ဗိုလ်မှူးချုပ်ကျော်ဆန်းက သူတို့ရေးဆွဲထားတဲ့ ဖွဲ့စည်းပုံအခြေခံဥပဒေကို ပြင်ဆင်ဖို့ မဖြစ်နိုင်တော့ဘူး၊ သူတို့ရဲ့အစီအစဉ်အတိုင်း လူထုဆန္ဒခံယူပွဲတွေကို ပြုလုပ်သွားမယ်၊ ဒီလူထုဆန္ဒခံယူပွဲမှာ လွတ်လပ်တဲ့ အကဲခတ်သမားတွေ လေ့လာခွင့်ပြုဖို့ဆိုတဲ့ ကုလ
သမဂ္ဂရဲ့ အကြံပြုချက်ကိုလည်း စစ်အစိုးရဘက်က ပယ်ချခဲ့ပါတယ်။ ဒါကြောင့် မစ္စတာ
ဂမ်ဘာရီရဲ့ အခုတခေါက်ခရီးစဉ် အောင်မြင်မှုရှိမရှိဆိုတာနဲ့ ပတ်သက်ပြီး ဒေါက်တာ
သောင်းထွန်းရဲ့အမြင်ကို မေးကြည့်တဲ့အခါ တိကျတဲ့ရလဒ် ထွက်လာတာမျိုး မရှိသလို မစ္စတာဂမ်ဘာရီရဲ့ ခရီးစဉ်ဟာလည်း တိုတောင်းလွန်းတယ်လို့ အခုလို ဝေဖန်ခဲ့ပါတယ်။

“မစ္စတာဂမ်ဘာရီရဲ့ အခုခရီးစဉ်ဟာ ကျနော်တို့အမြင်ပြောရရင် တော်တော်လေး
အချိန်တိုတယ်။ အတွင်းကျကျ ဘာတွေဆွေးနွေးလဲဆိုတာတော့ ကျနော်တို့
စောင့်ကြည့်ရမယ်။ နောက် ဗိုလ်မှူးချုပ်ကျော်ဆန်း ပြောပြတဲ့အချက်တွေကို ကြည့်မယ်။
ဒီခရီးစဉ်မှာ နအဖရဲ့ပေါ်လစီတွေကို အဓိကကိုင်ပြီးလုပ်နေတဲ့ ဗိုလ်ချုပ်သန်းရွှေက မစ္စတာဂမ်ဘာရီကို ရှောင်တဲ့သဘောတွေရှိတယ်။ ယူအန်န်ကို စွပ်စွဲတဲ့အပိုင်းတွေ
ရှိတယ်။ ယူအန်န်ရဲ့အကြံပြုချက်တွေ၊ အထူးသဖြင့် မစ္စတာဘန်ကီမွန်းရဲ့စာမှာ အကြံပြု ထားတဲ့အချက်တွေကို အားလုံးငြင်းပယ်တဲ့အနေအထားတွေကို တွေ့ရတယ်။ ဒါကြောင့် ကျနော်တို့အနေနဲ့မြင်တာကတော့ ယူအန်န်က တိတိကျကျ ရလဒ်ထွက်လာတဲ့ အနေ
အထားကိုတော့ မတွေ့ရဘူးလို့ ပြောရမှာပါပဲ။”

ဒါဆိုရင် မစ္စတာဂမ်ဘာရီရဲ့ အခန်းကဏ္ဍကရော ဘယ်လိုဆက်ရှိနိုင်မယ်လို့ ထင်ပါ
သလဲ။

“မြန်မာပြည်အရေးကိစ္စကတော့ ကုလသမဂ္ဂရဲ့ ဦးစားပေးအစီအစဉ်ထဲမှာ ဆက်ပြီး
ပါနေမှာပဲ။ အခု မြန်မာပြည်ကိစ္စက လုံခြုံရေးကောင်စီရဲ့ အာဂျင်ဒါပေါ်မှာရှိတယ်။
ဒါပေမယ့် ယူအန်န်က ထိထိရောက်ရောက် ပိုပြီးသွားနိုင်ဖို့ဆိုတာက လက်ရှိအနေ
အထားကနေ တဆင့်တက်ဖို့လိုတယ်။ ဆိုလိုတာက လုံခြုံရေးကောင်စီအဆင့်ကနေ
ကိုင်တွယ်မှဖြစ်မယ်။”

အခုဆိုရင် မစ္စတာဂမ်ဘာရီက မြန်မာပြည်ကနေ ပြန်ထွက်ခွာသွားပြီပေါ့နော်။ သူ့ရဲ့ ဒီတခေါက်ခရီးစဉ်မှာ စစ်အစိုးရဘက်က သူတို့ရေးဆွဲထားတဲ့ ဖွဲ့စည်းပုံအခြေခံဥပဒေ
ကို မပြင်နိုင်တော့ဘူး၊ ကုလသမဂ္ဂရဲ့ အကြံပြုချက်ကိုလည်း ပယ်ချခဲ့တယ်။ ဒီတော့ ရှေ့အလားအလာနဲ့ပတ်သက်လို့ ဘာတွေဖြစ်လာနိုင်မယ်လို့ ထင်လဲရှင့်။

“ဗိုလ်မှူးချုပ်ကျော်ဆန်းတို့ ပြောတဲ့အရဆိုရင် ယူအန်န်ရဲ့ ကြားဝင်ဖျန်ဖြေမှုနဲ့ တွေ့ဆုံ ဆွေးနွေးရေးဖြစ်ပေါ်ဖို့ အလားအလာ မတွေ့ရဘူး။ အခုအခြေအနေမှာ ယူအန်န်အနေ
နဲ့ ဘာလုပ်သင့်သလဲဆိုတဲ့ အပိုင်းကတော့ ပထမတဆင့်က ယူအန်န်ရဲ့ ကြားဝင်ဆောင်
ရွက်မှုကို နအဖက တကယ့်ကို တိတိကျကျလက်ခံအောင် ဒါက အရေးကြီးတဲ့ကိစ္စ
ဖြစ်ပါတယ်။ ဒါကြောင့် ကျနော်တို့မြင်တာကတော့ ဒီအချိန်မှာ လုံခြုံရေးကောင်စီအဖွဲ့
ဝင်တွေအနေနဲ့ အထူးသဖြင့် တရုတ်တို့၊ ရုရှားတို့ပါ ကုလသမဂ္ဂ အထွေထွေအတွင်း
ရေးမှူးချုပ်ရဲ့ ကြားဝင်ဆောင်ရွက်မှုနဲ့ပတ်သက်လို့ ပိုထိထိရောက်ရောက် ဆောင်ရွက်
နိုင်အောင် အထွေထွေအတွင်းရေးမှူးချုပ်ကို လုပ်ပိုင်ခွင့်အာဏာပေးအပ်တဲ့ ဆုံးဖြတ်
ချက်တခုကို ချမှတ်နိုင်ဖို့အတွက် စဉ်းစားဖို့သင့်ပြီလို့ ကျနော်တို့မြင်ပါတယ်။”

တကယ်လို့ ကုလသမဂ္ဂ လုံခြုံရေးကောင်စီမှာ မစ္စတာဂမ်ဘာရီအနေနဲ့ ဒီအခြေအနေ
တွေကို ပြန်ပြီးအစီရင်ခံတဲ့အခါ မြန်မာပြည်နဲ့ပတ်သက်လို့ ကုလသမဂ္ဂ လုံခြုံရေး
ကောင်စီရဲ့ ရှေ့ခြေလှမ်းတွေက ဘယ်လိုတွေဖြစ်လာနိုင်မယ် ထင်ပါလဲ။

“ဒီအချက်တွေပေါ်မှာမူတည်ပြီး ပထမအဆင့်အနေနဲ့ လုံခြုံရေးကောင်စီ အလှည့်ကျ
ဥက္ကဋ္ဌကနေပြီး လက်ရှိအခြေအနေတွေကို ပြန်လည်သုံးသပ်တဲ့ အနေအထားတွေ၊ တောင်းဆိုတဲ့အနေအထားတွေကတော့ တောက်လျှောက်ဖြစ်မှာပါ။ သို့သော် ကျနော်တို့
မြင်တာက အလှည့်ကျသဘာပတိရဲ့ ထုတ်ပြန်ချက်တွေ၊ တိုက်တွန်းချက်တွေတင်မကဘဲ တကယ့်စည်းနှောင်မှုရှိတဲ့ ဆုံးဖြတ်ချက်မူကြမ်းအဆင့် ရောက်မှပဲ ယူအန်န်ရဲ့ လှုပ်ရှားမှု
တွေက ပိုပြီးထိရောက်လာလိမ့်မယ်လို့ ကျနော်တို့မြင်ပါတယ်။”

မြန်မာ့အခြေအနေ ကမ္ဘာကပိုသိအောင် မိုင် ၃,၀၀၀ ကျော် ချီတက်ခြင်း (ဗွီအိုအေ)

လူထုဆန္ဒခံယူပွဲအတွက် မြန်မာစစ်အစိုးရက ပြင်ဆင်မှုတွေလုပ်နေပေမယ့် မြန်မာအစိုးရ
ကို ကန့်ကွက်ဆန့်ကျင်ကြသူ တချို့ကတော့ မိုင်ပေါင်းများစွာ ဖြတ်ကျော်ပြီး ချီတက်ဆန္ဒ
ပြနေကြပါတယ်။ မြန်မာစစ်အစိုးရရဲ့ ဖိနှိပ်မှု
ဒဏ်ခံနေရတဲ့ မြန်မာပြည်သူတွေရဲ့ဒုက္ခကို
ကုလသမဂ္ဂ လုံခြုံရေးကောင်စီက ပိုပြီး အရေးယူဆောင်ရွက်လာစေဖို့ ရည်ရွယ်ချက်
နဲ့ အမေရိကန်ပြည်ထောင်စုကိုဖြတ်သန်းပြီး ပစိဖိတ်သမုဒ္ဒရာကမ်းခြေကနေ အတ္တလန္တိတ် သမုဒ္ဒရာကမ်းခြေအထိ ခြေလျင်ခရီး လျှောက်နေကြပါတယ်။ အကြောင်းစုံကို မအေးသန္တာကျော်က တင်ပြပေးထားပါ
တယ်။

၈၈ စစ်ကြောင်းဆိုတဲ့ ဒီခရီးရှည်ကို စတင် ချီတက်လာသူတွေကတော့ ကိုအေသင်နဲ့ ကိုဇော်မင်းထွေးတို့ ဖြစ်ပါတယ်။ သူတို့ခရီး
စဉ်အကြောင်းကို ကိုအေသင်က အခုလို ရှင်းပြပေးပါတယ်။

“ကျနော်တို့ချီတက်နေတာ အမေရိကန် အော်ရီဂွန်ပြည်နယ်ကနေ အနောက်ဘက်ခြမ်း
ကနေ အရှေ့ဘက်ခြမ်း နယူးယောက်ခ် လုံခြုံရေးကောင်စီအထိ ချီတက်နေတာပါ။
မိုင်ပေါင်း ၃,၁၂၇ မိုင်ဝေးပါတယ်။ နှိပ်စက်၊ ဖမ်းဆီး၊ တားဆီးပိတ်ပင်ထားလို့ မရဘူး
ဆိုတဲ့ဟာကို ကမ္ဘာကြီးသိအောင် မိုင်ပေါင်း ၃,၀၀၀ ကျော်ချီတက်ပြီး ကျနော်တို့ စိတ်ဓာတ်အင်အားကို ပြသတာဖြစ်ပါတယ်။ ကျနော်တို့က ဆီးနှင်းတွေ၊ မုန်တိုင်းတွေ၊
ကန္တာရတွေကို ဖြတ်လျှောက်ရမှာဖြစ်ပါတယ်။ အော်ရီဂွန်ပြည်နယ်က ၄၈၀ မိုင်ဝေးတဲ့
အတွက် အခုဖြတ်သန်းနေတဲ့နေရာမှာ ကျောက်တန်းတွေချည်းပဲ၊ အိပ်စရာနေရာ
မရှိပါဘူး။ အခက်အခဲ ရာသီဥတု အရမ်းဆိုးပါတယ်။ ရှေ့မှာလည်း နှင်းတောတွေ၊ မုန်တိုင်းတွေပဲရှိပါတယ်။ ဒါကြောင့် ကျနော်တို့ယုံကြည်ချက်နဲ့ ခိုင်ခိုင်မာမာဖြတ်သွားပြီး ချီတက်နေတာဖြစ်ပါတယ်။”

အခု ဒီချီတက်မှု ခရီးရှည်ကြီးကို ကိုအေသင်တို့နှစ်ယောက်နဲ့ စတယ်ဆိုတော့ လမ်းခရီး
တလျှောက် ပြည်နယ်တွေကို ဖြတ်ကျော်တဲ့အခါမှာရော ပိုပြီး အင်အားတွေတိုးလာဖို့ အကြောင်းကြားစာတွေ ရပါသလား။

“ရပါတယ်။ မနေ့ညကပဲ မက်ဆေ့ခ်ျဝင်တဲ့အချိန်မှာ အင်ဒီယားနားမှာရှိတဲ့ ကျနော်တို့ ရဲဘော်တွေအားလုံးက အင်ဒီယားနားကိုဝင်တာနဲ့ ကြိုဆိုရေးစခန်းတွေဖွင့်ပြီး ထိုက်ထိုက်တန်တန်ဂုဏ်ပြုပြီး သူတို့ကိုယ်တိုင် ပါဝင်ဆင်နွှဲဖို့ ပြင်ဆင်ထားကြပါတယ်။ သပိတ်စခန်းတွေဖွင့်ပြီး လှုပ်ရှားဖို့လည်း ဖြစ်ပါတယ်။”

ကိုအေသင်နဲ့ ကိုဇော်မင်းထွေးတို့ဟာ မတ်လ ၁ ရက်နေ့က ခရီးစတင်ခဲ့ကြတာဖြစ်ပြီး အခုအချိန်အထိ မိုင် ၂၀၀ ကျော် ခရီးပေါက်ခဲ့ကြပြီဖြစ်ပါတယ်။ အမေရိကန် အရှေ့
ဘက်ခြမ်း နယူးယောက်ခ်မြို့ ကုလသမဂ္ဂဌာနချုပ်ရှေ့ကို ၂၀၀၈ ခုနှစ် သြဂုတ်လ ၈ ရက်
နေ့အရောက် ရည်ရွယ်ပြီး ချီတက်လာကြတာ ဖြစ်ပါတယ်။

သူတို့ခရီးစဉ်ကိုထောက်ခံပြီး စစ်အစိုးရရဲ့ ဖိနှိပ်မှုတွေကို ကမ္ဘာကသိအောင် တင်ပြတဲ့
နေရာမှာ ပါဝင်လက်မှတ်ရေးထိုးချင်ကြတယ်ဆိုရင် အင်တာနက်စာမျက်နှာ www.88portland.wordpress.com မှာ ရေးထိုးနိုင်ကြပါတယ်။

NLD ထိပ်ပိုင်း ခေါင်းဆောင်များ ကုလသဂ္ဂကိုယ်စားလှယ်နဲ့ တွေ့ဆုံ (ဗွီအိုအေ)

စက်တင်ဘာလ လူထုလှုပ်ရှားမှုတွေ နောက်ပိုင်း မြန်မာပြည်ကို သုံးကြိမ်မြောက်အဖြစ် ရောက်နေတဲ့ ကုလသမဂ္ဂရဲ့ အထူး ကိုယ်စားလှယ် မစ္စတာ ဂမ်ဘာရီဟာ အမျိုးသား ဒီမိုကရေစီအဖွဲ့ချုပ် (NLD) ပါတီက ဒေါ်အောင်ဆန်းစုကြည်နဲ့ ဗဟိုကော်မတီဝင် ၅ ဦးတို့ကို အစိုးရဧည့်ဂေဟာမှာ ဒီကနေ့ သီးခြားစီ ခွဲပြီး တွေ့ဆုံခဲ့ပါတယ်။

ဘာရည်ရွယ်ချက်နဲ့ အခုလို ခွဲပြီး တွေ့ဆုံရတာလဲ။ တွေ့ဆုံတဲ့အခါ ဘာတွေ ဆွေးနွေးကြသလဲ ဆိုတာတော့ မသိရပါဘူး။ ဒီကနေ့ တွေ့ဆုံမှုမှာ ပါဝင်ခဲ့တဲ့ NLD ရဲ့ ပြောခွင့်ရပုဂ္ဂိုလ် ဦးလွင်ကို ဗွီအိုအေကနေ ဦးကျော်အောင်လွင်က ဆက်သွယ် မေးမြန်းထားပါတယ်။

ဒီကနေ့ တွေ့ရတဲ့အထဲမှာ ဒေါ်အောင်ဆန်းစုကြည် ပါ ပါသလားခင်ဗျ။ -

“မပါ ပါဘူး။”

ဟုတ်ကဲ့၊ ဆရာတို့ တွေ့တာ ဘယ်နှစ်ယောက်တွေ့တာလဲ၊ ဘယ်သူတွေ ပါလဲခင်ဗျ၊-

“ဦးအောင်ရွှေ ရယ်၊ အဲန်ကယ်လ်ရယ်၊ ဦးစိုးမြင့်ရယ်၊ ဦးသန်းထွန်းရယ်၊ ဦးညွှန့်ဝေ ရယ်။”

ဟုတ်ကဲ့ခင်ဗျ။ ဒီညနေထဲမှာ ဒေါ်အောင်ဆန်းစုကြည်နဲ့ပါ တွေ့တယ်လို့ ကျနော်တို့ ကြားနေလို့ပါ။ -

“အဲဒါဆိုရင် သီးခြားတွေ့တာ ဖြစ်မယ်။”

ဟုတ်ကဲ့၊ ဆရာတို့နဲ့ မစ္စတာဂမ်ဘာရီ တွေ့ဆုံတဲ့အခါမှာ အဓိက အကြောင်းအရာတွေ ဘာတွေများ ဆွေးနွေးဖြစ်ပါသလဲခင်ဗျ။ -

“အဓိက အကြောင်းအရာတွေကတော့ ဒါ သူ့ကို လုံခြုံရေးကောင်စီက တာဝန်ပေးချက် အရ သိချင်တာတွေ မေးတာပေါ့ခင်ဗျ၊ ဒါ သူကလည်း သိသင့်တာတွေ ပြောတာပေါ့ခင်ဗျ။”

ဟုတ်ကဲ့ပါ၊ အဓိက ဘာအကြောင်း ပြောဖြစ်ပါသလဲခင်ဗျ။ -

“အဓိကကတော့ အသေးစိတ်မေးဖို့လည်း မသင့်ဘူးလေ၊ ကျနော်တို့ကလည်း တာဝန် အရ ဖြေရတာပဲလေ၊ လုံခြုံရေးကောင်စီရဲ့ တာဝန်ပေးချက်အရ လုပ်တာ၊ အဲန်ကယ်လ်တို့က ဖိတ်လို့လာတာလည်း မဟုတ်ပါဘူး၊ သူ့တာဝန် သူလုပ်ကြတာ။”

ဟုတ်ကဲ့ပါခင်ဗျာ၊ အချိန်ဘယ်လောက်လောက်တွေ့ ဆုံခွင့်ရခဲ့ပါသလဲခင်ဗျ၊ -

“၁၀ နာရီခွဲကနေပြီးတော့ ၂ နာရီ နီးနီးပဲ။”

ဟုတ်ကဲ့ခင်ဗျ၊ မစ္စတာ ဂမ်ဘာရီ အပြင်ကို ဘယ်သူတွေများ ပါလဲခင်ဗျ၊ -

“၀ါရင့် ၀န်ထမ်းတွေလေ၊ ၂ ဦး ပါပါတယ်၊ တစ်ဦးကတော့ အမျိုးသမီးပါ။”

ဟုတ်ကဲ့၊ ဆရာတို့ အစိုးရဧည့်ဂေဟာမှာ တွေ့တယ်လို့ ကြားပါတယ်၊ ဘယ်နေရာမှာပါလဲ၊ -

“ဟုတ်ပါတယ်၊ ဟုတ်ပါတယ်၊ စိမ်းလဲ့ကန်သာ။”

ဟုတ်ပါပြီခင်ဗျ၊ ဆရာတို့ ဒီနေ့ တွေ့ဆုံဆွေးနွေးပွဲအရ ဘယ်လို မှတ်ချက်ချ ချင်ပါလဲခင်ဗျ၊ -

“မှတ်ချက်ချချင်စရာတော့ မရှိဘူးလေ၊ ဒါကတော့ စောစောကတည်းကပဲ သူနဲ့ ပြန်ကြားရေးဝန်ကြီး တွေ့ပြီး ပြန်ကြားရေးဝန်ကြီးက စောစောစီးစီး သူမေးတာတွေရော၊ သူ ထင်တာတွေရော ပြောပြီးပဲ၊ မြန်မာ့အလင်း သတင်းစာတို့၊ ဘာတို့မှာလဲ ပါပြီးသားပဲလေ။”

ဟုတ်ကဲ့ပါ၊ မစ္စတာ ဂမ်ဘာရီကတော့ အဲန်အယ်လ်ဒီကို ဘာပြောပါလဲခင်ဗျ၊ -

“ဘာမှ မပြောပါဘူး၊ သူက ဘာမှ မပြောပါဘူးဆိုတာ သူ မူလ ပြောထားတာတွေ ရှိတယ်။ ထပ်ပြီး သူမေးတာ ရှိတယ်။၊ ဒါပါပဲ၊ Routine လို ဖြစ်နေပါပြီ။”

ဟုတ်ကဲ့၊ ဆိုတော့ ကုလသမဂ္ဂရဲ့ ကူညီမှုတွေနဲ့ ပတ်သက်လို့ရော ဆရာတို့ NLD ဘက်က ဘာတွေများ ပြောချင်ပါသလဲခင်ဗျ။ -

“ဒါကတော့ မပြီးသေးဘူးလေဗျာ၊ အခုတကြိမ် လုံခြုံရေးကောင်စီက တတိယအကြိမ်ပေါ့။”

ဟုတ်ကဲ့၊ မစ္စတာဂမ်ဘာရီရဲ့ ကြိုးပမ်းမှုတွေက သိပ်ပြီးတော့ တကယ်ပဲ ထိရောက်မှု မရှိလို့လည်း ပြောကြတာကြားပါတယ်ခင်ဗျ။ အဲန်ကယ်လ်တို့အနေနဲ့ ဘယ်လို သုံးသပ်ပါလဲခင်ဗျ။ -

“ခပ်တိုတို ပြောရင်တော့ မစ္စတာဂမ်ဘာရီထက် လုံခြုံရေးကောင်စီက ပိုပြီးတာဝန် ရှိပါတယ်။”

မစ္စတာဂမ်ဘာရီရဲ့ ခရီးစဉ်နဲ့ပတ်သက်ပြီးတော့ ဆရာတို့ ဘယ်လို သဘောထားပါလဲခင်ဗျ၊ -

“ဟုတ်ကဲ့၊ သူ့ကိစ္စ မပြီးသေးဘူးလေ၊ ဆုံးအောင်လည်း နားထောင်ကြပါဦး၊ မပြီးသေးပါဘူး။”

ဆရာတို့နဲ့ နောက်တကြိမ် ထပ်တွေ့ဖို့ အစီအစဉ် ရှိသေးပါလားခင်ဗျာ၊ -

“မရှိဘူး၊ သူ ဒီညနေ ပြန်ချင်ပြန်မယ်၊ မပြန်ရင် မနက်ဖြန်မနက် ပြန်ဖို့သဘော ရှိပါတယ်၊ အဓိက ကျတဲ့ အခြေအနေကို အဲန်ကယ်လ်တို့ထက် ခင်ဗျားတို့က ပိုမသိနိုင်ပါဘူး၊ ဖြစ်နေတယ်ဆိုတာ ဒီက လူတွေသိပါတယ်။”

ဆိုတော့ ဒီ အကျပ်အတည်းတွေက လွတ်မြောက်ဖို့ ဘယ်လို မျှော်လင့်ချက်တွေ ရှိပါလဲခင်ဗျ၊ -

“မျှော်လင့်ချက်က လွယ်လွယ်နဲ့ မြန်မြန်ဖြစ်မယ်လို့ မထင်ဘူးခင်ဗျ၊”

ဟုတ်ကဲ့ခင်ဗျ၊ ကျေးဇူးအများကြီး တင်ပါတယ်ခင်ဗျာ။

အဲန်အယ်လ်ဒီ က ဦးလွင်နဲ့ မစ္စတာဂမ်ဘာရီ တွေ့ဆုံတာကို ကိုကျော်အောင်လွင်က ဆက်သွယ်မေးမြန်းခဲ့တာ ဖြစ်ပါတယ်။

မလေးရှားရဲက ကန့်ကွက်သူများကို မျက်ရည်ယိုဗုံးနဲ့ ပစ် (ဗွီအိုအေ)

မလေးရှားနိုင်ငံမှာ ဒီကနေ့ ပြုလုပ်တဲ့ အထွေထွေ ရွေးကောက်ပွဲအတွင်း အတိုက်အခံတို့ကို ထောက်ခံကြသူများ ခဲနဲ့ပေါက်ကြတဲ့အတွက် ရဲက မျက်ရည်ယိုဗုံးတွေ သုံးပြီးတော့ လူစုခွဲလိုက်ရပါတယ်။

မဲဆန္ဒရှင်များအား မဲရုံများကို ဘတ်(စ်)ကားများနဲ့ တင်ဆောင်ပေးနေတာကို တားဆီးကြသူ Pan- Malaysian Islamist Party (PAS) ကို ထောက်ခံသူ ၂၀ လောက် ကိုလည်း ရဲက ထိန်းသိမ်းလိုက်ပါတယ်။ မသမာတဲ့ ရွေးကောက်ပွဲ ရလဒ်ရရှိဖို့ အာဏာရ အမျိုးသားညွှန့်ပေါင်း အဖွဲ့က မဲဆွယ်စည်းရုံးဖို့အတွက် မဲရုံကို ဘတ်(စ်)ကားများနဲ့ ခေါ်ဆောင်သွားတယ်လို့ PAS အဖွဲ့က စွပ်စွဲထားပါတယ်။

မလေးရှားနိုင်ငံ ၁၉၅၇ ခုနှစ်မှာ လွတ်လပ်ရေး ရစဉ်ကတည်းက အနိုင်ရလာခဲ့တဲ့ အတိုင်းပဲ အခုရွေးကောက်ပွဲမှာလည်း သူတို့နိုင်ဦးမယ်လို့ ၀န်ကြီးချုပ် အဗ္ဗဒူလာ ဘာဒါဝီက ပြောဆိုပါတယ်။ လက်ရှိ မလေးရှား ပါလီမန်ထဲမှာ အမျိုးသား ညွှန့်ပေါင်းအဖွဲ့က လွှတ်တော် ကိုယ်စားလှယ် ၉၀ ရာခိုင်နှုန်းကျော် ရရှိထားလို့ သုံးပုံတစ်ပုံ အမတ်အများစုကို ရရေး အတိုက်အခံတို့က လူနည်းစု တရုတ်တိုင်းရင်းသားများနဲ့ အိန္ဒိယ အနွယ်များအား စည်းရုံးနေကြပါတယ်။

မလေးရှားနိုင်ငံမှာ နိုင်ငံရေးလုပ်ခွင့် ပိတ်ပင်ထားတာ ရှေ့လမှာ ကုန်ဆုံးတော့မှာမို့ သူ ရွေးကောက်ပွဲမှာ ယှဉ်ပြိုင်ခြင်း မပြုနိုင်အောင် ရွေးကောက်ပွဲကို စောပြီးလုပ်တာလို့ ဒုတိယ ၀န်ကြီးချုပ်ဟောင်း အန်န၀ါ အီဘရာဟင်က ဗွီအိုအေကို ပြောဆိုပါတယ်။

ဆန္ဒခံယူပွဲအပေါ် လေ့လာစောင့်ကြည့်နိုင်ရေး ကုလသမဂ္ဂအဆိုပြုချက် စစ်အစိုးရ ငြင်းပယ် (ဗွီအိုအေ)

မေလအတွင်း ဖွဲ့စည်းပုံ အတည်ပြုရေး လူထုဆန္ဒခံယူပွဲ ကျင်းပတဲ့အချိန်မှာ သီးခြားလွတ်လပ်တဲ့ လေ့လာ စောင့်ကြည့်မှုတွေကို ခွင့်ပြုဘို့ ကုလသမဂ္ဂက အဆိုပြုတာကို မြန်မာစစ်အစိုးရ ပယ်ချလိုက်ပါတယ်။

ကုလသမဂ္ဂအတွင်းရေးမှုးချုပ်ရဲ့ အထူးအကြံပေး မစ္စတာ အီဘရာဟင် ဂမ်ဘာရီက စစ်အစိုးရ ခေါင်းဆောင်တွေနဲ့ အတိုက်အခံတွေနဲ့ တွေ့ဆုံခဲ့တဲ့အချိန်မှာ ဒီလို ရွေးကောက်ပွဲနဲ့ပတ်သက်လို့ လေ့လာစောင့်ကြည့်နိုင်ရေး မစ္စတာ ဂမ်ဘာရီဘက်က အဆိုပြုခဲ့တာဖြစ်ပါတယ်။

မစ္စတာ ဂမ်ဘာရီဟာ မနေ့က ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အန်လ်ဒီအမျိုးသား ဒီမိုကရေစီအဖွဲ့ချုပ် ထိတ်တန်းခေါင်းဆောင်တွေကို တွေ့ဆုံခဲ့ပါတယ်။

ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နေအိမ်အကျယ်ချုပ်ကျခံနေရတဲ့ တက္ကသိုလ် ရိပ်သာလမ်းနေအိမ်ကနေ အစိုးရဧည့်ဂေဟာကို ကားနဲ့ ခေါ်သွားခဲ့တာဖြစ်ပါတယ်။ အဲဒီ အစိုးရ ဧည့်ဂေဟာမှာပဲ မစ္စတာ ဂမ်ဘာရီဟာ ဒီ ခရီးစဉ်အတွင်း အစည်းအဝေးအတော်များများ ကျင်းပခဲ့ပါတယ်။

မြန်မာစစ်အစိုးရက ဒေါ်အောင်ဆန်းစုကြည်ကို ရွေးကောက်ပွဲမှာ ပါဝင်ခွင့် ပိတ်ပင်ထားတဲ့ အခြေခံဥပဒေမူကြမ်းကိုလည်း ပြင်ဆင်ပေးဘို့ ငြင်းဆိုခဲ့ပါတယ်။

မလေးရှား ရွေးကောက်ပွဲ ၀န်ကြီးချုပ် ဘာဒါဝီရဲ့ ညွှန့်ပေါင်းအဖွဲ့ အနိုင်ရ (ဗွီအိုအေ)

စနေနေ့က မလေးရှားနိုင်ငံ ရွေးကောက်ပွဲမှာ အတိုက်အခံ ပါတီတွေ တချို့နေရာတွေမှာ အနိုင်ရပေမယ့်လည်း အများစုအနေနဲ့ လက်ရှိ အုပ်ချုပ်နေတဲ့ ၀န်ကြီးချုပ် ဘက်ဒူလာ ဘာဒါဝီ (Abdullah Badawi) ရဲ့ ညွှန့်ပေါင်းအစိုးရ အဖွဲ့က အနိုင်ရလိုက်တယ်လို့ မလေးရှား အာဏာပိုင်တွေက ကြေညာပါတယ်။

အကြမ်းဖက်မှုတွေအပြင် မဲလိမ်တာတွေ ရှိနေတယ်ဆိုတဲ့ စွတ်စွဲချက်တွေ ရှိနေပြီး လူမျိုးရေး တင်းမာမှုတွေကလည်း ရွေးကောက်ပွဲကို အရိပ်ထိုးနေပါတယ်။ တကယ်တော့ မလေးရှားနိုင်ငံဟာ မလေး၊ တရုတ်နဲ့ အိန္ဒိယ လူမျိုးစုတွေအကြား သင့်မြတ်တယ်ဆိုပြီး အမြဲတစေ ဂုဏ်ယူလေ့ရှိတဲ့ နိုင်ငံတစ်ခုပါ။ မလေးရှား ရွေးကောက်ပွဲနဲ့ ပတ်သက်လို့ ဗီအိုအေ သတင်းထောက် လူဝစ် ရမ်မားရတ်ဇ် (Luis Ramirez) ကွာလာလမ်ပူက သတင်းပေးပို့ထားတာကို ဦးသိန်းထိုက်ဦးက အစီရင်ခံထားပါတယ်။

မလေးရှားနိုင်ငံ မြို့တော်အတွင်းမှာတော့ မဲပေးရွေးချယ်တာတွေက အေးအေးဆေးဆေး ငြိမ်းငြိမ်းချမ်းချမ်းတဲ့ ကျင်းပနိုင်ခဲ့တာပါ။ မလေးရှားနိုင်ငံသားတွေ မနေ့က စနေနေ့ တစ်နေ့လုံး မဲရုံတွေကို သွားပြီး မဲပေးဖို့ တန်းစီခဲ့ကြပါတယ်။ အတွေ့အကြုံရှိတဲ့သူတွေကတော့ ၀န်ကြီးချုပ် ဟောင်း ဘက်ဒူလာ ဘာဒါဝီရဲ့ ဘရီဆန် နေရှင်နယ် (Barisan Nasioanl)၊ ဒါမှမဟုတ် အမျိုးသား တပ်ဦး ညွှန့်ပေါင်းအဖွဲ့ပဲ နိုင်မယ်ဆိုတာ ကြိုတင် ဟောကိန်းထုတ်ပြီးသားပါ။ မလေးရှားနိုင်ငံ လွတ်လပ်ရေးရခဲ့တဲ့ ၁၉၅၀ ခုနှစ်တွေကတည်းက ဒီပါတီပဲ ရွေးကောက်ပွဲတိုင်းမှာ အနိုင်ရခဲ့တာပါ။

ညွှန့်ပေါင်းအဖွဲ့က ရွေးကောက်ပွဲမှာ အဓိက လူတွေကို စည်းရုံးပြောပြတာက သူတို့ပါတီဟာ မလေးရှားနိုင်ငံကို တည်ငြိမ်တဲ့နိုင်ငံအဖြစ် ထူထောင်နိုင်ခဲ့တယ်၊ စီးပွားရေးအရလည်း ဒေသတွင်းမှာ အတိုးတက်ဆုံး နိုင်ငံတွေထဲက တစ်ခုအဖြစ် ရပ်တည်နိုင်ခဲ့တယ်ဆိုတာပါပဲ။

ဒါပေမယ့်လည်း အလွဲသုံးစား လုပ်တယ်ဆိုတဲ့ စွတ်စွဲချက်တွေ ရှိသလို၊ လူမျိုးရေး တင်းမာမှုတွေ၊ နောက် စီးပွားရေး နဲ့ပတ်သက်လို့ စိုးရိမ်မှုတွေက အတိုက်အခံတွေကို ထောက်ခံသူတွေ များလာပြီး အားကောင်းလာစေခဲ့ပါတယ်။

ကွာလာလမ်ပူမှာ မဲပေးတဲ့သူတစ်ယောက်က သူက အတိုက်အခံ ပန် မလေးရှား အစ္စလမ်မစ်ပါတီ (Pan- Malaysian Islamist Party) ကို မဲပေးတယ်လို့ ပြောပါတယ်။ လက်ရှိ ညွှန့်ပေါင်းအဖွဲ့အပေါ် သူ မြင်တာက အစ္စလမ်ဘာသာဝင်တွေ အများစုနေထိုင်တဲ့ ဒီနိုင်ငံမှာ အစ္စလမ်ဘာသာရဲ့ တန်ဘိုးထားမှုတွေကို ညွှန့်ပေါင်း အစိုးရအဖွဲ့ဟာ လိုက်နာကျင့်ကြံတာမျိုး မရှိဘူးလို့ မြင်တဲ့အကြောင်းပြောပါတယ်။

“အစ္စလမ်မစ် ပါတီကို ကျနော်တို့ မဲပေးတာ ပိုကောင်းတယ်လို့ ကျနော် မြင်ပါတယ်။ လာဘ်ပေးလာဘ်ယူမှု ကင်းရှင်းတယ်လို့ မြင်လို့ပါ။

ဘရီဆန် နေရှင်နယ် ပါတီကတော့ သူတို့ဟာ အစ္စလမ်ဘာသာဝင်တွေရဲ့ ကျင့်ထုံးတွေကို လိုက်နာတယ်လို့ သေသေချာချာ ပြောလို့ မရပါဘူး။ ဒီ အချိန်ဟာ ပြောင်းလဲရတော့မယ့် အချိန်လို့ မြင်ပါတယ်။”

မလေးရှားနိုင်ငံ အရှေ့မြောက်ပိုင်း တာရန်ဂနု (Terennganu) ပြည်နယ်မှာ အကြမ်းဖက်မှုတွေ ပေါ်ပေါက်ခဲ့ပါတယ်။ ရဲတွေက ပန် အစ္စလမ်မစ် ပါတီကို ဒေါသတကြီး ဆန္ဒပြတဲ့သူတွေကို မျက်ရည်ယိုဗုံးတွေနဲ့ လူစုခွဲခဲ့ပါတယ်။ မဲရုံသွားမယ့် ကားတွေ ဘတ်စ်ကားတွေကို ဆန္ဒပြတဲ့သူတွေက ခဲတွေနဲ့ ပစ်ပေါက်ခဲ့ပါတယ်။ မဲပေးဖို့ မှတ်ပုံတင်မထားတဲ့သူတွေကို ခေါ်လာပြီး မဲထည့်ခိုင်းတယ် ဆိုပြီး အဓိကရုဏ်းတွေဖြစ်၊ မဲပေးမယ့် ကားကို တားကြရင်းနဲ့ ရုန်းရင်းဆန်ခတ် ဖြစ်ခဲ့ကြတာလို့လည်း မျက်မြင်သက်သေတွေက ပြောပါတယ်။

မလေးရှားနိုင်ငံမှာ ရွေးကောက်ပွဲ မကျင်းပခင် လအနည်းငယ်က အန္ဒိယ အနွယ်ဝင် တိုင်းရင်းသားတွေက သူတို့အပေါ် ခွဲခြားဆက်ဆံတယ်ဆိုပြီး ထောင်နဲ့ချီပြီး စုရုံး ဆန္ဒပြခဲ့ကြပါတယ်။ ဒီလို ဒီဆန္ဒပြပွဲတွေ ပေါ်ပေါက်ပြီး မလေးရှား ၀န်ကြီးချုပ်က အခုလို ရွေးကောက်ပွဲ ကျင်းပတာပါ။

ဒီလို ခွဲခြားဆက်ဆံခံရတယ်ဆိုတဲ့ အမြင်တွေကလည်း တစ်ချို့နေရာတွေမှာ လွှမ်းမိုးနေပြီး တင်းမာမှုတွေလည်း ရှိနေပါတယ်။ အိန္ဒိယအနွယ် လူမျိုးစုဝင် တစ်ယောက်က လက်ရှိ ညွှန့်ပေါင်းအစိုးရအဖွဲ့ဟာ အာဏာကို နှစ် ၅၀ လောက် ထိမ်းချုပ်နိုင်ခဲ့ပေမယ့် သူတို့ အိန္ဒိယ အနွယ်ဝင်တွေအတွက် ဘာမှ လုပ်ပေးတာ မရှိဘူးလို့ ပြောပါတယ်။

“နှစ်ပေါင်း ၅၀ ရှိပြီ၊ သူတို့က အောင်မြင်အောင် မလုပ်နိုင်ဘူး၊ ကျနော်တို့မှာ ဒုက္ခရောက်ရပါတယ်။ အိန္ဒိယ တိုင်းရင်းသားတွေပဲ ဒုက္ခရောက်ရတာပါ။ လူတိုင်း အခက်အခဲတွေ တွေ့ခဲ့ရပါတယ်။ ဒီလို အောက်ခြေ ပြည်သူတွေ ဒုက္ခရောက်တဲ့ အချိန် သူတို့ ဘာလုပ်နေလဲ။ ကျနော်တို့ကို ဘာကြောင့် ခွဲခြားတာတွေ လုပ်သလဲ။ ကျနော်တို့လည်း မလေးရှားပြည်သူပဲ၊ ဘာကြောင့် ဒီလို လုပ်ရတာလဲ။”

မလေးရှားနိုင်ငံမှာ မလေးအနွယ်ဝင် လူမျိုးစုတွေကို စိုက်ပျိုးမြေယာ ပလတ်ထားဖို့ အထောက်အပံ့တွေ ပေးတဲ့စနစ် နှစ်ရှည်လများ ကျင့်သုံးခဲ့ပါတယ်။ ဒီ စီမံချက်တွေ ရှိနေတာကြောင့် အိန္ဒိယ အနွယ်ဝင် လူမျိုးစုတွေနဲ့ တရုတ်အနွယ်ဝင် တိုင်းရင်းသားတွေ ဒေါသဖြစ်ခဲ့ကြပါတယ်။ လူမျိုးရေး မတူညီမှုကို ကျော်လွှားရေး ဆိုတဲ့ စီမံချက်တွေကလည်း သူတို့ကို ပညာရေး၊ စီးပွားရေးနဲ့ အိုးအိမ်ထူထောင်ခွင့် အခွင့်အရေးတွေ ပိတ်ပင်ထားသလို ဖြစ်နေတယ်ဆိုပြီး အိန္ဒိယနဲ့ တရုတ်လူမျိုးစု အနွယ်ဝင်တွေက ယုံကြည်နေကြပါတယ်။

ဆန္ဒခံယူပွဲ၌ ကန့်ကွက်မဲပေးမည့်လှုပ်ရှားမှုများ ရန်ကုန်တွင်ပြုလုပ်၊ အာဏာပိုင်က လုံခြုံရေးတင်းကျပ် (ဧရာဝတီ)

စစ်အစိုးရတဖက်သတ်ရေးဆွဲထားသည့် ဖွဲ့စည်းပုံအခြေခံဥပဒေမူကြမ်းအားအတည်ပြုမည့် လူထုဆန္ဒခံယူပွဲတွင် ကန့်ကွက်မဲ ပေးရန် စည်းရုံးလှုံ့ဆော်သည့် လှုပ်ရှားမှုများကို ရန်ကုန်တွင် ကျောင်းသားလူငယ်များက ဦးဆောင် ပြုလုပ်လျှက် ရှိသည်။

ကန့်ကွက်မဲပေးရေးလှုပ်ရှားမှုများကို အောင်ဆန်းမျိုးဆက်အဖွဲ့နှင့် မျိုးဆက်သစ်လူငယ်များအစည်းအရုံး (Generation Wave) တို့က ယခုအပတ်အစောပိုင်းတွင်စတင်ခဲ့ပြီး ဗုဒ္ဓဘာသာဝင် ကိုရင်တပါးက သပိတ်ကို မှောက်လျှက် ကိုင်ထားသည့် ပုံနှင့် “ကန့်ကွက်ကြစို့” ဟူသည့်စာသားပါဝင်သော စတေကာများကို ဖြန့်ဝေကြခြင်းဖြစ်သည်ဟု အောင်ဆန်းမျိုးဆက် အဖွဲ့နှင့် နီးစပ်သူတဦးက ဧရာဝတီကို ပြောသည်။

“မြို့ထဲမှာရှိတဲ့တိုက်ခန်းတွေကို တခန်းပြီးတခန်းလိုက်ဝေတာ တော်တော်များနေပါပြီ၊ မနေ့ကတော့ ကျူရှင်ကြောငြာတွေလို စတေကာတွေကပ်ကြတယ်၊ မော်တော်ကားတွေမှာပါ လိုက်ကပ်တာ။ လုံခြုံရေးကတော့ ချထားတာအများကြီးပဲ … လမ်း ထောင့်တွေမှာ။ ဟိုနားစတေကာကပ်သွား … လိုက်ခွာကြနဲ့ တရုန်းရုန်းဖြစ်နေတာပေါ့” ဟု အောင်ဆန်းမျိုးဆက်အဖွဲ့နှင့် နီးစပ်သူက ပြောသည်။

Generation Wave အဖွဲ့ကို ဦးဆောင်နေသူတဦးဖြစ်သည့် ကိုကျော်ကျော်က “ဆန္ဒခံယူပွဲဆိုတဲ့နေရာမှာ ပွင့်လင်းညင်သာမှု ရှိဖို့လိုတယ်။ သူတို့ဘက်မှာက (အာဏာပိုင်) တရားဝင်ဖြန့်ချိနေတဲ့သတင်းစာကတဆင့် ဆန္ဒခံယူပွဲနဲ့ပတ်သက်ပြီး ထောက်ခံ ပါဆိုတဲ့အကြောင်း ဆောင်းပါးတွေမှာ ရေးလို့ရပါတယ်၊ ကျနော်တို့မှာက ရေးသားခွင့်၊ စည်းရုံးခွင့်မရှိဘူး” ဟု ဧရာတီကို ပြောသည်။

ကန့်ကွက်မဲပေးရေးလှုပ်ရှားမှုအား ဆန္ဒခံယူပွဲကို ဆန့်ကျင်သည်ဟူသည့် ဥပဒေပုဒ်မဖြင့် အရးယူပါက လက်ခံမည်မဟုတ် ကြောင်းလည်း ကိုကျော်ကျော်က ပြောသည်။

ကန့်ကွက်မဲပေးရေးလှုပ်ရှားသူများသည် ယမန်နေ့ကစ၍ စာအိပ်တွင်ခေါက်ထည့်ထားသည့် လက်ကမ်းစာစောင်များကို ရန်ကုန်မြို့လယ်၊ ဈေးများနှင့် ယုဇနဥယျာဉ်မြို့တော်တို့တွင် ဖြန့်ဝေကြကြောင်း သိရသည်။

အဆိုပါ လက်ကမ်းစာစောင်တွင် စက်တင်ဘာအရေးအခင်းအတွင်း သံဃာတော်များ၊ ကျောင်းသား ပြည်သူများအား လက်နက်ကိုင် တပ်ဖွဲ့ဝင်များက ရိုက်နှက်နေပုံများလည်းပါဝင်ပြီး “မဲရုံသွားပြီး ကန့်ကွက်မဲ ထည့်ကြပါ” ဟူသည့် စာသား လည်း ပါဝင်သည်။

ယမန့်နေ့ကစ၍ ရန်ကုန်မြို့လယ်နှင့် လူစည်ကားရာနေရာများတွင် အာဏာပိုင်တို့က လုံခြုံရေးများ တင်းကျပ်စွာချထား သည်ဟု ရန်ကုန်မြို့ခံတဦးက ပြောသည်။

“လုံခြုံရေးတင်းကျပ်ထားတာကတော့ ရန်ကုန်မြို့တွင်း ၆ မြို့နယ် အကုန်ပဲဗျ။ ဆူးလေဘုရားတ၀ိုက်မှာ အဓိက တင်းကျပ် တယ်” ဟု ရန်ကုန်မြို့ခံက ပြောသည်။

လုံထိန်းတပ်သားများက သေနတ်၊ မျက်ရည်ယိုဗုံးနှင့် နံပါတ်တုတ်များကိုကိုင်ဆောင်ကာ လုံခြုံရေးယူထားခြင်း ဖြစ်သည် ဟုလည်း ၎င်းကဆက်ပြောသည်။

ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူး ကိုယ်စားလှယ် မစ္စတာ အီဗရာဟင် ဂန်ဘာရီ သည် ယမန်နေ့က မြန်မာနိုင်ငံသို့ရောက်ရှိနေပြီး ၎င်းရောက်ရှိနေစဉ် ဆန္ဒပြလှုပ်ရှားမှုများပြုလုပ်မည်ကို စိုးရိမ်သောကြောင့် လုံခြုံရေးတင်းကျပ်ထားခြင်းဖြစ်သည်ဟု ရန်ကုန်မြို့ခံတချို့က သုံးသပ်ပြောဆိုကြပြီး ကျောင်းသားလူငယ်များ ကန့်ကွက်မဲ ပေးရေးလှုပ်ရှားမှုကို ပြုလုပ်နေသောကြောင့် လုံခြုံရေးတင်းကျပ်ခြင်း ဖြစ်သည်ဟု သုံးသပ်သူများလည်း ရှိသည်။

သာယာဝတီထောင်တွင် နိုင်ငံရေးအကျဉ်းသားတဦး သေဆုံး (ဧရာဝတီ)

ကိုသက် | မတ် ၇၊ ၂၀၀၈

ပဲခူးတိုင်း သာယာဝတီထောင်တွင် အကျဉ်းချခံနေရသည့် ကိုအနူး (ခေါ်) ကိုဝင်းတင်သည် အဆုတ်ရောဂါဖြင့် ယမန်နေ့က သေဆုံးသွားကြောင်း သိရသည်။

ကိုအနူးသေဆုံးကြောင်းကို ယနေ့နံနက်ပိုင်းတွင် အာဏာပိုင်ကအကြောင်းကြားသောကြောင့် ၎င်းတို့နေထိုင်ရာ ပဲခူးမြို့မှ သာယာဝတီထောင်သို့ မိသားစုဝင်များလိုက်သွားကြကြောင်း မိသားစုဝင်များနှင့် နီးစပ်သူတဦးက ဧရာဝတီကို ပြောသည်။

ကိုအနူးသည် ပဲခူးမြို့မှ အန်အယ်လ်ဒီပါတီဝင်တဦးဖြစ်ပြီး ၁၉၉၉ ခုနှစ် အာဇာနည်နေ့ဆန္ဒပြပွဲ၌ ပါဝင်ခဲ့သောကြောင့် ဇူလိုင်လ ၂၂ ရက်နေ့တွင် အာဏာပိုင်တို့၏ ဖမ်းဆီးထိန်းသိမ်းခြင်းကို ခံခဲ့ရသည်။

၁၉၉၉ ခုနှစ် ဒီဇင်ဘာလဆန်းပိုင်တွင် ကိုအနူးအပါအ၀င် အာဇာနည်နေ့ဆန္ဒပြပွဲတွင်ပါဝင်သူ ၂၆ ဦးခန့်ကို အာဏာပိုင်တို့က အလုပ်ကြမ်းနှင့် ထောင်ဒဏ်များ ချမှတ်ခြင်း ခံခဲ့ရသည်။ ကိုအနူးအား ပုဒ်မ ၅/ည၊ ၁၇/၂၀၊ ၁၇/၁ စသော ပုဒ်မ ၃ ခုဖြင့် အလုပ်ကြမ်းနှင့်ထောင်ဒဏ် ၂၄ နှစ် ချမှတ်ခဲ့သည်။

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) ၏ တွဲဘက်အတွင်းရေးမှူး ဦးဘိုကြည်က “ထောင်တွေထဲမှာ ကျန်းမာရေးစောင့်ရှောက်မှုက လုံးဝမရှိဘူး။ ဒီပုံအတိုင်းသွားနေရင် ထောင်တွေထဲမှာ အကျဉ်းသားတွေ ထပ်သေနေဦ်းမှာပဲ။ ဒါဟာ မဖြစ်သင့်တဲ့ ကိစ္စဖြစ်တယ်” ဟု ဧရာဝတီကို ပြောသည်။

ကိုအနူးသည် ၁၉၈၈ ခုနှစ် အထက်တန်းကျောင်းသားဘ၀ကတည်းက ဒီမိုကရေစီရေးလှုပ်ရှားမှုများတွင် တက်ကြွစွာ ပါဝင်ခဲ့သူဖြစ်ပြီး ပဲခူးမြို့ရှိ အခြေခံပညာကျောင်းသားသမဂ္ဂနှင့် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်တို့တွင် ပါဝင်ခဲ့သည်။

၁၉၈၈ ခုနှစ်မှစ၍ အကျဉ်းထောင်များအတွင်းသေဆုံးသည့် နိုင်ငံရေးအကျဉ်းသားပေါင်း ၁၃၀ ကျော်ပြီဖြစ်ပြီး ကိုအနူးသည့် ၂၀၀၈ ခုနှစ်တွင် ပထမဆုံး အသက်ဆုံးရှုံးရသူ ဖြစ်သည်။

ကုလကိုယ်စားလှယ် ဂမ်ဘာရီနဲ့ အဲန်အယ်လ်ဒီ မနက်ဖြန် တွေ့ဆုံဆွေးနွေးမည် (ဗွီအိုအေ)

မြန်မာ့အရေး ကြားဝင်ဆောင်ရွက်ပေးဖို့ မြန်မာနိုင်ငံမှာ ရောက်ရှိနေတဲ့ ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာဂမ်ဘာရီဟာ အမျိုးသားဒီမိုကရေစီ အဖွဲ့ချုပ် အဲန်အယ်လ်ဒီ နဲ့ မနက်ဖြန် တွေ့ဆုံဆွေးနွေးဖို့ ရှိတယ်လို့ အဲန်အယ်လ်ဒီ ပါတီကပြောပါတယ်။ မြန်မာနိုင်ငံက နိုင်ငံရေး ပြဿနာတွေ ပြေလည်စေဖို့ သက်ဆိုင်သူတွေနဲ့ တွေ့မှဖြစ်မယ်လို့ ပြောနေတဲ့ အထူးကိုယ်စားလှယ်နဲ့ အဲန်အယ်လ်ဒီတို့ ဆွေးနွေးမယ့်ကိစ္စနဲ့ ပတ်သက်လို့ စုံစမ်းထားတာကို ဦးအောင်လွင်ဦး က တင်ပြထားပါတယ်။

အမျိုးသားဒီမိုကရေစီအဖွဲ့ချုပ် အဲန်အယ်လ်ဒီပါတီ ရဲ့ အလုပ်အမှုဆောင် ကိုယ်စားလှယ်တွေကို ကုလသမဂ္ဂ အထွေထွေ အတွင်းရေးမှူးချုပ်ရဲ့ အထူးအကြံပေးပုဂ္ဂိုလ် မစ္စတာ အီဗရာဟင် ဂမ်ဘာရီ နဲ့ တွေ့ဆုံခွင့်ပြုမယ့် အကြောင်း အာဏာပိုင်တွေဖက်က ဒီကနေ့ နေ့လည်ပိုင်းကပဲ ပါတီကို လာရောက် အကြောင်းကြားသွားခဲ့တာပါ။ ဒီလို မနက်ဖြန် အထူးကိုယ်စားလှယ်နဲ့ ရန်ကုန်မြို့က အစိုးရ ဧည့်ဂေဟာတစ်ခုမှာ တွေ့ဆုံမယ့် ကိစ္စ၊ ဆွေးနွေးမယ့် ကိစ္စတွေနဲ့ ပတ်သက်လို့ နောက်ထပ် ဘာတွေများ သိရမလဲလို့ အဲန်အယ်လ်ဒီ ပြောခွင့်ရပုဂ္ဂိုလ် ဦးဥာဏ်ဝင်းကို ဆက်သွယ် မေးမြန်းကြည့်ပါတယ်။

“သူတို့ အာဏာပိုင်တွေက မနက်ဖြန် နေ့ခင်းမှာ စီအီးစီ အဖွဲ့နဲ့ မစ္စတာ ဂမ်ဘာရီနဲ့ တွေ့မယ်လို့ လာအကြောင်းကြားထားပါတယ်။”

အဲန်ကယ်လ်တို့ အဲဒါ တွေ့တဲ့အချိန်ကျရင် ဘယ်သူတွေ ပါဖို့ရှိလဲ၊ အဲန်ကယ်လ်တို့ဖက်ကရော၊ ဟိုဖက်ကရော။ -

“အဲဒီ စီအီးစီထဲက ၅ ယောက် သွားမယ်။ ဘယ်သူတွေလဲ ဆိုတာကတော့ ဥက္ကဌနဲ့ သူတို့ ညှိပြီးတော့ သွားကြမှာပေါ့လေ။ ကျနော်တော့ ၅ ယောက်စလုံး နံမည်တော့ ကျနော် မရသေးဘူး။”

နောက် အဲန်ကယ်လ်တို့ဖက်က မစ္စတာ ဂမ်ဘာရီနဲ့ ဘယ်လို အကြောင်းအရာတွေကို ဆွေးနွေးဖြစ်မယ်လို့ အဲန်ကယ်လ်တို့ ယေဘုယျ စဉ်းစားထားတာတွေ ရှိခဲခင်ဗျ။ -

“ကျနော်တို့ ကြိုတင်ပြီး စဉ်းစားထားတာတွေ ရှိတယ်။ ကြိုတင်ပြီးတော့ ဆွေးနွေးထားတာတွေ ရှိတယ်။ အသေးစိတ်အနေနဲ့တော့ ကျနော့်အနေနဲ့ လူကြီးတွေ ကိုယ်တိုင် ပြောမှာမိုလို့ ကျနော် ပြောလို့မရပါဘူး။ အဓိက အားဖြင့် ကျနော်တို့ အမျိုးသားပြန်လည်သင့်မြတ်ရေးအတွက် ဦးတည်ပြီးတော့ ဆွေးနွေး တင်ပြမယ်လို့ပဲ ကျနော် အဲဒီလောက်ပဲ ယေဘယျ ပြောနိုင်လို့ရပါမယ်။”

ဟုတ်ကဲ့။ အဲဒီထဲမှာ အဲန်ကယ်လ်တို့ နောက်ဆုံး အစိုးရ ကြေညာခဲ့တဲ့ ပြည်လုံးကျွတ် ဆန္ဒခံယူပွဲတို့၊ ရွေးကောက်ပွဲတို့ ကိစ္စတွေရော ပါမှာလား အဲန်ကယ်လ်။ -

“ပါနိုင်တာပေါ့လေ။ ကျနော် တိတိကျကျတော့ ကျနော် မသိပါဘူး။”

အဲန်အယ်လ်ဒီ ပြောခွင့်ရပုဂ္ဂိုလ် ဦးဥာဏ်ဝင်း ကို ဆက်သွယ်မေးမြန်းခဲ့တာ ဖြစ်ပါတယ်။ မစ္စတာ ဂမ်ဘာရီအနေနဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၊ မြန်မာစစ်အစိုးရ ခေါင်းဆောင်တွေနဲ့ တွေ့ဆုံခွင့်ရဖို့ မျှော်လင့်ထားတာ ဖြစ်ပေမယ့် ဒေါ်အောင်ဆန်းစုကြည်နဲ့ တွေ့ဆုံဖြစ်မယ် မဖြစ်ဘူးဆိုတာ အခုအချိန်အထိတော့ မသိရသေးဘူးလို့လည်း ဦးဥာဏ်ဝင်းက ပြောပါတယ်။ မြန်မာ့အရေး ကြားဝင် ဆောင်ရွက်ပေးနေတဲ့ ကုလသမဂ္ဂ အထူးကိုယ်စားလှယ်အနေနဲ့ မြန်မာနိုင်ငံက နိုင်ငံရေး ပြဿနာတွေ ပြေလည်အောင် ဆောင်ရွက်ရာမှာ နိုင်ငံရေးအင်အားစုတွေ အပါအ၀င် သက်ဆိုင်သူအားလုံးနဲ့ တွေ့ဆုံဆွေးနွေးဖို့ လိုအပ်တယ်ဆိုပြီးတော့လည်း ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်းကလည်း ၀ိုင်းဝန်းတိုက်တွန်း တောင်းဆိုမှုတွေက ရှိနေပါတယ်။

ကျွန်တော်တို့ ကတော့ပြတ်ပြတ်ပါဘဲ ၁၉၉၀ ရွေးကောက်ပွဲရလဒ်ကို အကောင်ထည်မဖေါ်မပေးမခြင်း ဘာဆိုဘာမှ မလိုချင်ဘူး

မြန်မာနိုင်ငံရဲစစ်တပ်ကတော့ဟိုလိုဒီလိုကယောင်ကြသောအတွေးတွေ၊မဟာမဟာဆန်ခြင်းထက်
အစွန်းတဖက်ထက်ကျော်သောကလိန်ကျခြင်းများစွာနှင့်စံနစ်တကျလက်တလုံးခြားလိမ်လှည်၊လှည့်ဖျားကာ ၁၉၆၂ကစပြီးသေသေချာချာကျင့်သုံးနေခဲ့တာကအခုထိပါဘဲဒါကိုလိမ်မှန်းသိပေမဲ့လည်း၊ငါနှင့်ငါ့မိသားစုဆိုသော ငါ့အသိုင်းဝိုင်းဟူသော၊မာန်တွေနှင့်၎င်း၊ငါ့လူမျိုးမှဆိုသောအတွေးတွေနှင့်လုပ်ဆောင်ခဲ့တာကိုပျော်မွေ့ခြင်းရယ်၊
မသိခြင်ယောင်ဆောင်ပြီးနေထိုင်ခဲ့ကြသောလူတန်းစားရယ်၊သိသိကြီးနဲ့ကိုယ်အတွက်ကိုယ်ကြည့်ဆိုသောမှုတွေ ကိုကိုင်ကြသောလူတန်းစားရယ်၊မည်သို့မှ၊နိုင်ငံရေးဆိုတာကိုဘာမှနားမလည်သောလူတန်းစားတွေကိုသေသေချာချာ
မွေးယူသလိုလုပ်ဆောင်ပေးနိုင်ခဲ့သောမဟာဥာဏ်ကြီးအလိမ်ထိပ်ခေါင်ကို၁၉၈၈-၈၉တွင်အပြတ်ရှင်းမယ်ဆိုတာကိုလည်း သိရောနအဖ(န၀တ)အစိုးရဟာအာဏာမလွှဲဘဲအချိန်သာဆွဲပြီး၁/၁၉၉၀ကိုကြေညာပြီးအမျိုးသားညီလာခံကိုဖေါ်ဆောင်ကာ အချိန်ဆွဲရေးကို စတင်တိုက်ခိုက်ပါတယ်။

ဒါလည်းအားလုံးသိထားပြီးသားပါ၊ ပြီးတော့ နည်းမျိုးနဲ့ ညစ်ပတ်စွာ၊အာဏာဟူသောစကားလုံးကြီးကိုလက်နက် နှင့်ပူးတွဲကိုင်တွယ်ကာမကြာ ကြာအောင်ကို လုပ်ရင်း ၁၉၉၀ ရွေးကောက်ပွဲကို ဘာသိဘာသာ အသံတိတ် ရှင်းလင်းပွဲလုပ်ဆောင်ဘို့ အတွက် တစ်ခုပြီးတစ်ခု ဆက်တိုက်လုပ်ဆောင်လာတာကိုလည်းသိသိကြီးနဲ့  အမျိုးသားညီလာခံကို ၀ိုင်းသိုင်းကြဖို့ ပြည်သူဘက်ကနေ အသံကိုလိုကြောင်းပြောကြ၊ငြင်းကြ၊ခိုင်းနှိုင်းကြနဲ့  ဝေေ၀ဆာဆာပါဘဲ။

နောက်ထပ်တစ်ခုဖြစ်လာပါသောန၀တရဲ ထုတ်ပြန်ချက်အပေါ် နောက်ထပ်ရွေးကောက်ပွဲအသစ် လုပ်ကြရအောင်ဆိုပြီး(ရို့ဒ်မက်ပ်) လမ်းစဉ်ခုနှစ်ချက်ကို ကြေညာတော့လည်းပြည်သူကို သိုင်းဝိုင်းဖို့ ပြောနေကြပြန်ပါပြီ။ မေးပါရစေ၊ ခင်ဗျားတို့ အားလုံးက ကိုယ်ကိုတိုင်ဝင်ရေးခဲ့သော၊ ပြောခဲ့ သောအကြောင်းအရာတွေကို တစ်ကနေပြန်ပြန်စချင်ကြသောစိတ်ဓါတ်ကို လက်ဆင့်ကမ်း နေချင်ကြတာလား၊ ကျွန်တော်တို့ ၊ခင်ဗျားတို့ မှာတိုင်းပြည်ကိုပြောင်းလဲအောင်၊ ဦးဆောင်ခေါ်နိုင်သောလိုင်းမရှိဘူးလား၊
ခင်ဗျားတို့ ကျွန်တော်တို့ လုပ်ရမှာက န၀တအစိုးရကို တန်းလျှားကိုပြန်ပို့ ရမှာဖြစ်သလို ၊ ဒီကိုယ်စားလှယ်တွေအားလုံး စုစည်းပြီး နိုင်ငံရေးကိုဆက်လက်လုပ်ဆောင်ရန်အတွက်ကို ခင်းကျင်းပေရမှာ၊ တခြားဘာလမ်းမှမရှိသလို၊ တခြားဘာကိုမှ လည်း ကြည့်စရာမရှိပါဘူး၊ ခင်းကျင်းစရာမရှိပါဘူးဗျာ။ ခင်ဗျားတို့ ကနေပြန်ပြီးတော့ ဒီလိုအခင်းအကျင်းတွေလုပ်တာကတော့မကောင်းဘူးဗျာ၊

ပြည်သူတွေကို တွေဝေအောင်၊ စိတ်ပျက်ငြီးငွေ့ အောင်၊ဟိုလိုဒီလိုယောင်တောင်တောင် သဘောထားတွေ၊ အခြေအမြစ်မရှိ မဖြစ်နိုင်သောအကြောင်းတွေကို တကယ်ဒီမိုကရေစီကိုရခဲ့ပြီးကျင့်သုံးခဲ့သောစံတွေရှိသော နိုင်ငံတွေပုံစံမျိုးတွေနဲ့ ခင်ဗျားတို့  တောင်းဆိုပြောလာတာဘယ်လောက်ကြာပြီလည်း။ န၀တဆီက ပြည်ပကကော၊ ပြည်တွင်းကကော၊ နိုင်ငံတကာကကောပြောနေတာ တွေထဲမှာ ဘာများရခဲ့သလည်းပြောပါအုံး။ အဲဒါကိုသိရက်နဲ့ လုပ်နေပြောနေသိုင်းနေတာကို ကခင်ဗျားတို့ ကိုယ်တိုင်မပြီးဆုံးနိုင်သော တော်လှန်ရေးကြီးကို လုပ်ဆောင်ဖို့  ဆွဲဆန့်နေသလို၊ပြည်တွင်းစစ်ကြီးကို လည်းဆက်လက်တောက်လောက်အောင်ဝိုင်းပြီး လုပ်ဆောင် ပေးတာပါဘဲ။ ဘာကိုအရင်လုပ်ရမယ်ဆိုတာကိုခင်ဗျားတို့ ကိုယ်တိုင်ကိုယ်ကျမလုပ်ကျဘဲ ရာသီပေါ် အစာကိုစိုက်ပျိုးပြီး ရောင်းသလို အခင်းအကျင်းတွေကိုတော့မလုပ်ကြပ်နဲ့တော့။ ပြင်းပြင်းထန်ထန်တောင်းဆို နေတာပါ၊

ခင်ဗျားတို့ ကနေသေသေချာချာပြည်သူကို ချပြပြောပြသင့်တာတစ်ခုဘဲရှိတယ်။၁/၁၉၉၀ ကို န၀တကရှင်းပေးပါ၊ ပြည်သူက ရွေးချယ်တင်မြှောက်ပေးပြီးပြီ၊ တာဝန်ကျေပြီ၊ ကိုယ်စားလှယ်တွေကလည်း ဒီတာဝန်ကို ယူဖို့ အဆင်သင့်၊န၀တကသာ မလုပ်သင့်မဖြစ်သင့်သောအကြောင်းတွေကို တစ်ခုပြီးတစ်ခု ဖန်တီးသူ၊ ချဲ့ထွင်သူဆိုတာဘဲဖြစ်တယ်၊ ဒါကို ဘဲခင်ဗျားတို့ ပြတ်ပြတ်သားသားပြောရမှာ ၊ဆန့် ကျင်ရမှာ၊မရရအောင်လုပ်ရမှာခင်ဗျားတို့ ကိုကဆိတ်လစေ့လို့ ဟိုကပ်ဒီကပ်အခင်းအကျင်းတွေခင်းတော့ ကွဲကြပြဲကြစော်ကြထစ်ကြနဲ့ ဘယ်သူမှအကျိုးမရှိဘဲ န၀တဘဲအချိန်ကိုဝယ်နေတာကို ရှင်းရှင်းကြီးသိရက်နဲ့ဗျာ၊ ဘယ်တော့မှလည်း ပြည်သူတွေလိုလားတဲ့ ဒီမိုကရေစီဆိုတာကိုလည်း ပေးမှာမဟုတ်သလို ၊ တိုင်းရင်းသားပြည်သူအားလုံး တစ်ယောက်တစ်ကျပ်ဆီဆိုသောမှုကိုလည်းဘယ်တော့မှပေးမှာမဟုတ်ဘူး ၊ဒီထက်ပိုပြီးတော့ပြောရင် ၁၉၇၄ မဆလပေါ်လာပြီနောက်ပိုင်း နိုင်ငံရေးသမားတွေရဲ့ အခြေအနေကိုခင်ဗျားတို့ သိကြမှာပါ၊ မသိရင်လည်းပြန်ပြီးသေသေချာချာကြည့်ကြပါ။

အခုန၀တ၊နအဖသွားနေတာက မဆလကဲ့သို့သော အခြေအနေမျိုးမဟုတ်တောင် နည်းနည်းလေးပုံကွဲသောအခြေအနေဘဲရှိပါတယ်၊ အပြီးရှင်းပွဲကို လာတော့မှာပါ။ ဒီနေ့တိုင်းပြည်ကို တကယ်ကောင်းတာမြင်ချင်ရင် စစ်တပ်စစ်တန်းလျားကကာကွယ်ရေးလုပ် အရပ်သား အစိုးရ တိုင်းပြည်ကို ကိုင်တွယ်အုပ်ချုပ်ဒါပဲရှိတယ်၊ဒါကအမှန်ဆုံးဘဲ အဖြစ်သင့်ဆုံးနဲ့ပြည်သူတွေအားလုံးကော ဒီဘက်ကလူတွေအားလုံး ကောလုပ်ကိုလုပ်ရမဲ့အကြောင်း၊ဒါကိုဘဲတစိုက်မှတ်မှတ်လုပ်ရမှာ၊ ၁၉၈၉-၉၀ ကတည်းက အပြတ်ပြောရမှာကိုတိုက်တွန်း တင်ပြပြောဆို နေကြတဲ့ကြားကအခုထိ စောင့်ကြည်ကြတာပေါ့၊

ကြည့်ပါအုံးဆိုတာနဲ့ လုပ်လာကြသောမူက နှစ်၂၀သာကြာသွားတယ် ဘာမှဖြစ်မလာဘူး၊ ပြောရင်အားလုံးကိုစော်ကားရာဖြစ်နေပေမဲ့ ပြောရမှာဘဲ တိုတိုနဲ့ လိုရင်းပါဘဲ သေသေချာချာပြန်ကြည့်ရင် ၁၉၈၈အာဏာသိမ်းပြီးနောက်ပိုင်း န၀တ၊ နအဖပြောသော လုပ်သော အကြောင်းများကို နောက်ဆုံးတော့ အိပဲ့အိပဲ့နဲ့လိုက်ရတော့တာပါဘဲမဟုတ်လား။ ရပ်ပါတော့ဗျာ၊ အကြိမ်ပေါင်းများစွာ အဓမ္မကျင့်တာ
ကိုသော်လည်း၊ အဓမ္မကျင့်ခံရတာကိုဘဲ မေ့ပျောက်ပြီး အဓမ္မကျင့်ခံရတာကိုဘဲ ကြိုက်နေရင်တော့ ဆက်ပြီးတော့ခင်းကျင်းကြပေ့ါ။ တိုင်းရင်းသားတွေအားလုံးကိုကော၊ ပြည်သူတော်တော်များများကို ကောနောက်တစ်ကြိမ်အကျင့်ထပ်ခံရ အောင်ဆိုသော ပုံစံမျိုးကို ၀ိုင်းပြီးတော့ လုပ်ပေးရမှာ၊ ကုတင်ပေါ်ကို ကြိုးတုတ်ပြီးတင်ပေးရမဲ့ အကြောင်းထဲမှာတော့ ကျွန်တော်တို့ ဝိုင်းပြီးမဆွေးနွေးနိုင်ဘူး အခင်းအကျင်း နောက်ကိုလိုက်ကြပါလို့မတိုက်တွန်းနိုင်ဘူး။

ကျွန်တော်တို့ကတော့ ကျွန်တော်တို့ရဲအသိုင်းဝိုင်းကော၊ ကျွန်တော်တို့ ရဲ့လူမျိုးတွေကော၊ ကျွန်တော်တို့သိသော ပြည်ပမှ သူတွေကော၊ အခြားခြားသောသူတွေကိုကောဖြန့်ထားသော၊စကား၊ပြောထားသောအကြောင်း၊ ပေးထားသောဂတိကတော့ ကျွန်တော်တို့ ကတော့ ပြတ်ပြတ်ပါဘဲ၁၉၉၀ရွေးကောက်ပွဲရလဒ်ကို အကောင်ထည်မဖေါ်မပေးမခြင်းဘာဆိုဘာမှမလိုချင်ဘူး

စိုင်းမွန်

တစ်အမေ၊တစ်အဖေထဲကမွေးလာကြတာမဟုတ်ပေမဲ့ ငါတို့ မှာဘာသာမတူ၊လူမျိုးမတူသော ညီအစ်ကိုမောင်နှမတွေအများကြီးရှိတယ် ငါတို့အားလုံး ကတော့ စစ်အာဏာရှင်ကို အပြီးပိုင်ဖြုတ်ချဖို့ ကို မတွေဝေဘဲ၊
မတုံ့နှေးဘဲ အတူတူတိုက်ပွဲဝင်ရင်း အောင်ပွဲကိုကိုင်ကြဖို့ ရယ် ဒီအောင်လံ အောင်တံခွန်ကိုရဖို့ ငါတို့ အားလုံးဟာ
အသက်တွေကို ပေးရမယ်ဆိုရင်လည်းရဲ ရဲကြီးပေးရဲ တယ်ဆိုတာကို ရဲရဲကြီး သစ္စာပြုရဲခဲ့ကြတယ်။

ရွှေဝါရောင်တော်လှန်ရေးအောင်ရမည်။
စစ်အာဏာရှင်စံနစ်အပြီးပိုင်ဖြိုဖျက်ရမည်။

အန်အယ်လ်ဒီက စစ်အစိုးရကို တရားစွဲဆို (ဧရာဝတီ)

စစ်အစိုးရအား အမျိုးသားဒီမိုကရေစီအဖွဲ့ချုပ်(အန်အယ်လ်ဒီ) က နိုင်ငံတော်တရားရုံးချုပ်တွင် တရားစွဲဆိုသည်ကို ပယ်ချလိုက်ကြောင်း အန်အယ်လ်ဒီ ကပြောသည်။

၁၉၈၉ ခုနှစ်က ထုတ်ပြန်ထားသည့် ရွေးကောက်ပွဲ ဥပဒေနှင့် ၁၉၉၀ ပြည့်နှစ်က ထုတ်ပြန်ထားသည့် အမိန့်အရ ပြည်သူ့လွှတ်တော် ခေါ်ယူဖွဲ့စည်းပေးရန် တာဝန် ပျက်ကွက်မှု နှင့် ပတ်သက်၍ လက်ရှိ နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီ (နအဖ) စစ်အစိုးရအား တရားစွဲဆိုခြင်းဖြစ်ကြောင်း အန်အယ်လ်ဒီ ပြောခွင့်ရ ပုဂ္ဂိုလ် ဦးဥာဏ်ဝင်း ကပြောသည်။

“၈၉ ခုနှစ်က ထုတ်တဲ့ ရွေးကောက်ပွဲ ဥပဒေရယ်၊ ၉၀ ခုနှစ်က ထုတ်တဲ့ အမိန့်အမှတ် ၁/၉၀ အရဆိုရင် ပြည်သူ့ လွှတ်တော်ခေါ်ယူ ဖွဲ့စည်းပေးရမယ်၊ ဟိုတုန်းကဆိုရင် တော့ နဝတ ပေါ့၊ အခု အေးချမ်းသာယာရေး အဖွဲ့ပေါ၊့ သူတို့ကလည်း ဖွဲ့စည်းပေး မယ်လို့ ၁/၉၀ မှာ တာဝန်ယူထားတယ်၊ ဒါပေမယ့် ကနေ့အထိ မဖွဲ့ဘဲနဲ့ အခု ၁/၂၀၀၈ ၊ ၂/၂၀၀၈ စတဲ့ ဥပဒေ အတည်ပြုရေးတို့ ရွေးကောက်ပွဲတို့ ထပ်ပြီးကြေညာ တယ်၊ ဒါဟာ အစိုးရက လုပ်ဖို့ တာဝန်ရှိတဲ့ အလုပ်ကို မလုပ်ဘူး၊ ဒါကြောင့် နိုင်ငံတော် တရားရုံးချုပ်အနေနဲ့ အမိန့် ဒီဂရီ ချပေးဖို့ တရားစွဲ ဆိုတာပါ”ဟု ဦးဥာဏ်ဝင်းက ဧရာဝတီသို့ ရှင်းပြသည်။

ယင်းသို့ တရားစွဲဆိုလွှာကို ရန်ကုန်မြို့ရှိ နိုင်ငံတော်တရား ရုံးချုပ်သို့ ယနေ့နေ့လယ်ပိုင်းက သွားရောက်တင်ပြရာတွင် ချက်ချင်း ပယ်ချလိုက်သည်ဟု ၎င်းက ပြောဆိုသည်။

“ဒီနေ့ နေ့ခင်း ၁၂ နာရီ ဝန်းကျင်လောက် သွားတယ်၊ နိုင်ငံတော် တရားရုံးချုပ် (ရန်ကုန်) က ကျနော်တို့ရဲ့ အဆိုလွှာကို ယူသွားပြီး တနာရီ တနာရီခွဲလောက်ကြာအောင် လေ့လာတိုင်ပင်ပြီးတော့ ဘာကြောင့်လဲတော့ မသိဘူး လက်မခံဘူး၊ ချက်ချင်းပယ်တာ”ဟု လည်း ဦးဥာဏ်ဝင်းက ပြောသည်။

ယခု အဆိုလွှာကို ပယ်သည်မှာ ဝန်ထမ်းဖြစ်ကြောင်းနှင့် ပယ်ပိုင်ခွင့်မှာ တရားသူကြီးဖြစ်ကြောင်း၊ ထို့ကြောင့် တရားဥပဒေ နှင့် ညီသည်ဟုမယူဆကြောင်း ၎င်းက ဆက်ပြောသည်။

တပြည်လုံးက ဆန္ဒမဲပေးထားပြီး ဥပဒေအရ သော်လည်းကောင်း၊ အမိန့်အမှတ် ၁/၉၀ အရသော်လည်းကောင်း တာဝန်ရှိ ကြောင်းနှင့် တရားဥပဒေ စိုးမိုးရေးနှင့်လည်း သက်ဆိုင်သောကြောင့် သင့်လျော်သည့် အမိန့် ဒီဂရီ ချမှတ်ပေးရန် နိုင်ငံတော် တရားရုံးချုပ်သို့ အဆိုလွှာတင်သွင်းခြင်းဖြစ်သည်ဟုလည်း ဆိုသည်။

“ဒီကိစ္စမှာ တရားဥပဒေ စိုးမိုးရေးကို မဆောင်ရွက်တဲ့ အတွက် ကျနော်တို့နိုင်ငံအတွက် အထူးဝမ်းနည်းစရာ ကောင်းတယ်၊ တရားဥပဒေ စိုးမိုးရေးမရှိဘဲနဲ့ ဘယ်လို ဒီမိုကရေစီနိုင်ငံမျိုးမှ ထူထောင်လို့ မရနိုင်ပါဘူး”ဟု ဦးဥာဏ်ဝင်းက သုံးသပ်ပြောဆိုသည်။

နအဖ စစ်အစိုးရက ဖွဲ့စည်းပုံအခြေခံဥပဒေဆန္ဒခံယူပွဲ မေလတွင်ပြုလုပ်မည်ဖြစ်ကြောင်း ကြေညာချက် ၁/၂၀၀၈ နှင့် ၂၀၁၀ ခုနှစ်တွင် အထွေထွေ ရွေးကောက်ပွဲအသစ် ကျင်းပမည်ဖြစ်ကြောင်း ကြေညာချက် ၂/၂၀၀၈ ကို စစ်အစိုးရက ဖေဖော်ဝါရီ ၉ ရက်တွင် ထုတ်ပြန်ကြေညာခဲ့သည်။

နအဖ၏ ဆန္ဒခံယူပွဲကို အတိုက်အခံများ ပူးတွဲဆန့်ကျင်ကန့်ကွက် (ခေတ်ပြိုင်)

မကြာသေးမီက ထုတ်ပြန်ခဲ့သော စစ်အစိုးရ၏ ဖွဲ့စည်းပုံ အခြေခံဥပဒေ ဆန္ဒခံယူပွဲနှင့် ရွေး ကောက်ပွဲပြုလုပ်မည့် အမိန့်ကြေညာချက်များနှင့် ပတ်သက်၍ ထိုင်း- မြန်မာနယ်စပ် အခြေစိုက် အတိုက်အခံ အင်အားစုများက ပူးတွဲကြေညာချက်ထုတ်ပြန် ကန့်ကွက်လိုက်သည်။

စစ်အစိုးရ ထုတ်ပြန်ခဲ့သော ၁/၂၀၀၈၊ ၂/၂၀၀၈ နှင့် ၃/၂၀၀၈ တို့သည် အမျိုးသား ပြန်လည် သင့်မြတ်ရေးနှင့် တိုင်းရင်းသားစည်းလုံးညီညွတ်ရေးကို ဦးတည်ခြင်းမရှိဘဲ စစ်အာဏာရှင်စနစ် တည်မြဲရေးကိုသာ ရှေ့ရှုနေသောကြောင့် လက်မခံနိုင်ကြောင်း အတိုက်အခံ အင်အားစုများက ယမန်နေ့၌ ကြေညာချက် ထုတ်ပြန်သည်။

ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (NCGUB) ၏ ၀န်ကြီးချုပ်ရုံး ၀န်ကြီး၊ အင်္ဂပူမြို့နယ် လွှတ်တော်အမတ် ဒေါက်တာစန်းအောင်က ယခု အတည်ပြုရန် ပြင်ဆင်နေသော အခြေခံ ဥပဒေသည် ပြည်သူ့ကိုယ်စားလှယ်များ ပါဝင်ရေးဆွဲထားသော တရားမျှတသည့် ဥပဒေ မဟုတ်သဖြင့် ပြည်တွင်း ပြည်ပမှ ၀ိုင်းဝန်းဆန့်ကျင်သွားရန် လိုကြောင်း ပြောသည်။

၎င်းက “နအဖအနေနဲ့ကတော့ သူတို့ရဲ့အခြေခံဥပဒေကို ပြည်သူ့ဆန္ဒ ခံယူပြီး အတည်ပြုဖို့
ဆိုတာ သူတို့အတွက် သေရေးရှင်ရေးပဲ၊ ကျနော်တို့ကတော့ တားရမှာဖြစ်တယ်။ ပြည်သူတွေ အနေနဲ့ကတော့ လိုက်ပါလာနိုင်တာက ဆန္ဒခံယူပွဲ မသွားတဲ့ နည်းလမ်း၊ ဆန္ဒခံယူပွဲသွားပြီးတော့ ကန့်ကွက်မဲပေးတဲ့နည်းလမ်း။ ပြည်သူတွေအဖို့ နအဖရဲ့ ငြိမ်းခြောက်မှုတွေ၊ ဖိနှိပ်မှုတွေများတဲ့
အခါ မဲရုံမသွားဖို့ဆိုတာ တော်တော်လေး ခက်တယ်လို့ ကျနော်မြင်တယ်၊ ဒါကြောင့်သွားပါ၊ သွားပြီးတော့ ကန့်ကွက်မဲ ပေးဖို့ လိုပါတယ်” ဟု ပြောသည်။

စစ်အစိုးရအနေဖြင့် ပြည်သူလူထုနှင့် နိုင်ငံတကာ၏ သဘောဆန္ဒကို လျှစ်လျူရှုပြီး ဆန္ဒခံယူ
ပွဲကို တဘက်သတ် ပြုလုပ်မည်ဆိုပါက ကန့်ကွက်မဲ ပေးခြင်းဖြင့် ဆန္ဒသဘောထားကို ဖော်ထုတ်ကြရန်လည်း တပ်ပေါင်းစုများ၏ ပူးတွဲကြေညာချက်တွင် ဖော်ပြထားသည်။

အမျိုးသမီးများအဖွဲ့ချုပ် (မြန်မာနိုင်ငံ) ၏ သဘာပတိအဖွဲ့ဝင်တဦးဖြစ်သူ နန်းဆိုင်နောင့်ကလည်း စစ်အစိုးရ၏ လမ်းပြမြေပုံ အဆင့်ဆင့်သည် မြန်မာနိုင်ငံရေး တိုးတက်ပြောင်းလဲမှုအတွက် အပြု သဘောဆောင်သည့် ဦးတည်နေမှု မဟုတ်သောကြောင့် ပြည်သူလူထုအား အတင်းအကျပ် မဲဆန္ဒပေးရန် လုပ်ဆောင်လာပါက ကန့်ကွက်မဲ ပေးကြရန်လိုကြောင်း ပြောသည်။

“နအဖက အတင်းအဓမ္မ လုပ်နေကျပဲလေ၊ လုပ်နေကျပဲဆိုတော့ မသွားမနေရ သွားရမယ်ပေါ့၊ အဲဒီလိုသွားရတဲ့အချိန်မှာလည်း ပြည်သူတွေက အဲဒီအခွင့်အခါလမ်းကိုယူပြီးတော့ သူတို့တွေရဲ့ ဆန္ဒကို တကယ်ပဲ ပေးဖို့ပေါ့နော်” ဟု နန်းဆိုင်နောင့်က ပြောသည်။

ပူးတွဲသဘောထား ထုတ်ပြန်သော တပ်ပေါင်းစုများမှာ ပြည်ထောင်စုမြန်မာနိုင်ငံအမျိုးသား ကောင်စီ NCUB၊ ပြည်ထောင်စုမြန်မာနိုင်ငံ အမျိုးသားညွန်ပေါင်းအစိုးရ၊ မြန်မာနိုင်ငံ ဒီမိုကရက် တစ်အင်အားစု FDB၊ တိုင်းရင်းသားလူမျိုးများကောင်စီ ENC၊ အမျိုးသမီးများအဖွဲ့ချုပ် (မြန်မာ နိုင်ငံ) WLB၊ တိုင်းရင်းသားလူငယ်များဆုံရပ် NYFနှင့် မြန်မာနိုင်ငံ ကျောင်းသားလူငယ်များ ကွန် ဂရက် SYCB တို့ဖြစ်ကြပြီး ယခင်က ဤသို့ ပူးတွဲကြေညာချက်မျိုး မထုတ်ပြန်ခဲ့ကြပေ။